അല്‍കോബാര്‍: 38 വര്‍ഷത്തെ പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന കോബാര്‍ സൗഹൃദ വേദിയിലെ മുതിര്‍ന്ന അംഗം കെ.പി. അഹമ്മദിന്, കോബാര്‍ സൗഹൃദ വേദി കമ്മിറ്റിയുടെ നേതൃത്വത്തില്‍ യാത്രയയപ്പ് നല്‍കി.

കോബാര്‍ ദര്‍ബാര്‍ ഓഡിറ്റോറിയത്തില്‍ നടന്ന ചടങ്ങില്‍ സൗഹൃദ വേദി പ്രസിഡന്റ് റസാഖ് ബാവ അധ്യക്ഷത വഹിച്ചു. സെക്രട്ടറി അഷ്‌റഫ് പെരിങ്ങോം സ്വാഗതം പറഞ്ഞു. സൗഹൃദ വേദിയുടെ സ്‌നേഹോപഹാരം രക്ഷാധികാരി മണിക്കുട്ടന്‍ പദ്മനാഭന്‍ കെ.പി. അഹമ്മദിന് കൈമാറി. ചടങ്ങില്‍ വൈസ് പ്രസിഡന്റ് മുസ്തഫ നാണിയൂര്‍ നമ്പ്രം, എക്‌സിക്യൂട്ടീവ് അംഗങ്ങളായ സുനീര്‍ അറക്കല്‍, സുബൈര്‍ പാറക്കല്‍, നസീറ അഷ്‌റഫ്, ഷഫീഖ് പട്‌ല, സൗഹൃദ വേദി അംഗങ്ങളായ ഷാഫി മാസ്റ്റര്‍, ആസിഫ് അഷ്‌റഫ്, സിബി ജോസ് എന്നിവര്‍ സംസാരിച്ചു. അഹമ്മദിന്റെ അഭാവം സൗഹൃദ വേദിക്ക് വലിയൊരു നഷ്ടമാണെന്ന് ചടങ്ങില്‍ സംസാരിച്ചവര്‍ അഭിപ്രായപ്പെട്ടു. എക്‌സിക്യൂട്ടീവ് അംഗം ഷംസീര്‍ നന്ദി രേഖപ്പെടുത്തി.