റിയാദ്: സൗദി അറേബ്യയുടെ മാനവ വിഭവശേഷി കുതിപ്പില് നിര്ണ്ണായക പങ്ക് വഹിച്ച ലുലു ഗ്രൂപ്പിനെ ആദരിച്ച് മാനവ വിഭവശേഷി- സാമൂഹിക വികസന മന്ത്രാലയം. സാമൂഹിക സുരക്ഷ ഗുണഭോക്താക്കളുടെ ശാക്തീകരണ ഫോറത്തിന്റെ സമാപന ചടങ്ങിലാണ് ലുലൂ ഹൈപ്പര്മാര്ക്കറ്റിനെ മന്ത്രാലയം പ്രധാന വിജയശില്പിയായി ഔദ്യോഗികമായി ആദരിച്ചത്.
ചടങ്ങില് മാനവ വിഭവശേഷി, സാമൂഹിക വികസന മന്ത്രാലയത്തിലെ സോഷ്യല് ഡെവലപ്മെന്റ് ഡെപ്യൂട്ടി മിനിസ്റ്റര് ഹിസ് എക്സലന്സി ബദര് ബിന് ഇബ്രാഹിം അല്-സുവൈലമില് നിന്ന് ലുലൂ സൗദി അറേബ്യ ഡയറക്ടര് മുഹമ്മദ് ഹാരിസ് , ലുലൂ ഹൈപ്പര്മാര്ക്കറ്റ്സ് എച്ച്.ആര് & ലീഗല് അഫയേഴ്സ് ജനറല് മാനേജര് അബ്ദുള്ള ഹമദ് അല് ഖബ്ബാബിനാഹ് എന്നിവര് ചേര്ന്ന് പുരസ്കാരം ഏറ്റുവാങ്ങി.
മാനവ വിഭവശേഷി മന്ത്രാലയത്തിന്റെ ആഭിമുഖ്യത്തില് നടന്ന ചടങ്ങില്, രാജ്യത്തിന്റെ വിവിധ മേഖലകളിലായി നടപ്പിലാക്കിയ ദേശീയ വികസന പദ്ധതികളെ ആദരിച്ചു. സാമൂഹിക സുരക്ഷ പദ്ധതിക്ക് കീഴില് തൊഴിലവസരങ്ങള് വര്ദ്ധിപ്പിക്കുന്നതിനും, തൊഴിലധിഷ്ഠിത പരിശീലനം നല്കുന്നതിനും, അവരെ ദീര്ഘകാല സ്വയംപര്യാപ്തതയിലേക്ക് നയിക്കുന്നതിനും ഈ പദ്ധതികളിലൂടെ സാധിച്ചൂ എന്ന് മന്ത്രാലയം വിലയിരുത്തി.
ഈ സുപ്രധാന നേട്ടം ഏറെ അഭിമാനം നല്കുന്നതെന്ന് ലുലു സൗദി അറേബ്യ ഡയറക്ടര് മുഹമ്മദ് ഹാരിസ് പ്രതികരിച്ചു. സൗദി അറേബ്യയിലുടനീളം സുസ്ഥിരമായ തൊഴിലവസരങ്ങള് സൃഷ്ടിക്കുന്നതില് പൊതു-സ്വകാര്യ പങ്കാളിത്തത്തിന്റെ ശക്തി വെളിപ്പെടുത്തുന്നതാണ് ഈ അംഗീകാരം. സാമൂഹിക പ്രതിബദ്ധതയുള്ള പ്രവര്ത്തനങ്ങള് ഓരോന്നും സൗദി വിഷന് 2030-ന് അനുസൃതമായാണ് ലുലൂ ഹൈപ്പര്മാര്ക്കറ്റ് മുന്നോട്ട് കൊണ്ടുപോകുന്നത്. ദേശീയ സമ്പദ്വ്യവസ്ഥയില് സജീവ പങ്കാളികളാന് ഓരോരുത്തരേയും സഹായിക്കുന്ന സമഗ്രമായ അവസരങ്ങള് ഒരുക്കാന് ലുലൂ പ്രതിജ്ഞാബദ്ധരാണെന്നും അദ്ദേഹം വ്യക്തമാക്കി.
Related News
