ജിദ്ദ: ജിദ്ദ തിരൂരങ്ങാടി മണ്ഡലം കെ.എം.സി.സിയുടെ ആഭിമുഖ്യത്തില്, ഹജ്ജ് വളന്റിയര്മാര്ക്കുള്ള ആദരവും തിരഞ്ഞെടുപ്പ് വിജയാഘോഷവും ഷറഫിയ്യ സഫര് ഓഡിറ്റോറിയത്തില് വെച്ച് സംഘടിപ്പിച്ചു. ജിദ്ദ കെ.എം.സി.സി സെന്ട്രല് കമ്മിറ്റി പ്രസിഡന്റ് അരിമ്പ്ര അബൂബക്കര് ഉദ്ഘാടനം ചെയ്തു. സെന്ട്രല് കമ്മിറ്റി ജനറല് സെക്രട്ടറി വി.പി. മുസ്തഫ മുഖ്യപ്രഭാഷണം നടത്തി. മണ്ഡലം പ്രസിഡന്റ് ജാഫര് വെന്നിയൂര് അധ്യക്ഷത വഹിച്ചു.
ഹജ്ജ് തീര്ഥാടകര്ക്ക് മികച്ച സേവനം കാഴ്ചവെച്ച മണ്ഡലത്തിലെ ഹജ്ജ് വളന്റിയര്മാരെ ചടങ്ങില് ആദരിച്ചു. സീതി കൊളക്കാടന്, പി.കെ. സുഹൈല്, അബ്ദുസ്സമദ് പൊറ്റയില്, ഇബ്രാഹിംകുട്ടി നന്നമ്പ്ര, സകരിയ, റഫീഖ് പന്താരങ്ങാടി, റഫീഖ് കൂളത്ത് തുടങ്ങിയ മണ്ഡലം നേതാക്കളും വിവിധ മുനിസിപ്പല് പഞ്ചായത്ത് ഭാരവാഹികളും സംസാരിച്ചു.
കേരള സര്ക്കാര് ലഹരി മാഫിയക്കെതിരെ നടപ്പിലാക്കുന്ന 'ഓപ്പറേഷന് തൂഫാന്' പദ്ധതിക്ക് യോഗം ഐക്യദാര്ഢ്യം പ്രഖ്യാപിച്ചു. യുവജനങ്ങളെ ലഹരിക്കെതിരെ ബോധവല്ക്കരിക്കുന്ന പ്രവര്ത്തനങ്ങള് ശക്തിപ്പെടുത്തണമെന്ന് യോഗം ആഹ്വാനം ചെയ്തു. മണ്ഡലം സെക്രട്ടറി റഷീദ് കോഴിക്കോടന് സ്വാഗതവും ട്രഷറര് നൂര് മുഹമ്മദ് നന്ദിയും രേഖപ്പെടുത്തി. പരിപാടിയില് മണ്ഡലം, മുനിസിപ്പല്, പഞ്ചായത്ത് കമ്മിറ്റി ഭാരവാഹികളും പ്രവര്ത്തകരും പങ്കെടുത്തു.
Related News
