തിരുവനന്തപുരം: പ്രണയം എന്ന ഏക വിഷയം പ്രമേയമാക്കി, 2680 പേജുകളുള്ള ബൃന്ദയുടെ ബൃഹദ്കവിത മുഖ്യമന്ത്രി വി.ഡി. സതീശന്‍ മുഖ്യമന്ത്രിയുടെ ഓഫീസില്‍ വെച്ച് പ്രകാശനം ചെയ്തു. ബൃന്ദ രചിച്ച ഈ ബൃഹദ് കാവ്യം ഒരു വിസ്മയമാണെന്ന് മുഖ്യമന്ത്രി അഭിപ്രായപ്പെട്ടു. തിരുവനന്തപുരത്ത് നടന്ന ചടങ്ങില്‍ ഭാഷാ ഇന്‍സ്റ്റിറ്റ്യൂട്ട് മുന്‍ ഡയറക്ടര്‍ ഡോ. എം.ആര്‍. തമ്പാന്‍ പുസ്തകത്തിന്റെ ആദ്യ കോപ്പി ഏറ്റുവാങ്ങി. ചടങ്ങില്‍ ബൃന്ദ, ഡോ. ബി.എസ്. ബാലചന്ദ്രന്‍ തുടങ്ങിയവര്‍ പങ്കെടുത്തു.

കഥ, കവിത, നോവല്‍, ലേഖനങ്ങള്‍, ബാലസാഹിത്യം, പുരാണം, ജീവചരിത്രം, ഓര്‍മ, പുനരാഖ്യാനങ്ങള്‍ തുടങ്ങിയ ശാഖകളിലായി 80-ഓളം പുസ്തകങ്ങള്‍ ബൃന്ദ രചിച്ചിട്ടുണ്ട്. നിരവധി അംഗീകാരങ്ങളും റെക്കോര്‍ഡുകളും നേടിയിട്ടുള്ള ബൃന്ദ, ഇതിനുമുമ്പ് 36 പുസ്തകങ്ങള്‍ ഒരുമിച്ചു പ്രകാശനം ചെയ്തതിലൂടെയും ശ്രദ്ധേയയായിട്ടുണ്ട്.

ചിത്രം: പ്രണയം എന്ന ബൃഹദ് കവിതാ പുസ്തകം മുഖ്യമന്ത്രി വി.ഡി. സതീശന്‍ മുഖ്യമന്ത്രിയുടെ ഓഫീസില്‍ വെച്ച് പ്രകാശനം ചെയ്യുന്നു. ഭാഷാ ഇന്‍സ്റ്റിറ്റ്യൂട്ട് മുന്‍ ഡയറക്ടര്‍ ഡോ. എം.ആര്‍. തമ്പാന്‍ പുസ്തകം ഏറ്റുവാങ്ങുന്നു. ബൃന്ദ, ഡോ. ബി.എസ്. ബാലചന്ദ്രന്‍ എന്നിവര്‍ സമീപം.