ദോഹ: അക്ഷരങ്ങളുടെ സുല്ത്താന് വൈക്കം മുഹമ്മദ് ബഷീറിന്റെ ദീപ്തമായ സ്മരണ പുതുക്കി പ്രവാസി ദോഹ സംഘടിപ്പിച്ച അനുസ്മരണ സമ്മേളനം വേറിട്ട അനുഭവമായി. എം.ടി വാസുദേവന് നായര് പ്രബന്ധരചനാ മത്സരത്തിലെ വിജയികള്ക്കുള്ള പുരസ്കാര വിതരണവും ചടങ്ങില് നടന്നു. റേഡിയോ മലയാളം ആര്.ജെ രതീഷ് നടത്തിയ അനുസ്മരണ പ്രഭാഷണം ബഷീറിയന് ഓര്മ്മകളിലേക്ക് സദസ്സിനെ കൂട്ടിക്കൊണ്ടുപോയി.
ബഷീറിന്റെ അപൂര്വ്വ ശബ്ദരേഖകള് കോര്ത്തിണക്കി നടത്തിയ അനുസ്മരണ പ്രഭാഷണം സദസ്സില് 'ബഷീറിയന് മാന്ത്രികത' നിറച്ചു. ബഷീറിന്റെ സാഹിത്യ സംഭാഷണങ്ങളും ജീവിത സന്ദര്ഭങ്ങളും സദസ്സിലുണ്ടായിരുന്നവരുമായി പങ്കുവെച്ചുകൊണ്ട് നടത്തിയ ആവതരണം തികച്ചും ഹൃദയസ്പര്ശിയായ അനുഭവമായി മാറി.
പ്രവാസി ദോഹയുടെ സാംസ്കാരിക പ്രവര്ത്തനങ്ങളെക്കുറിച്ചും 29-ാമത്പ്രവാസി ദോഹ ബഷീര് അവാര്ഡിന് അര്ഹനായ ഒ.എല്. തോമസിനെക്കുറിച്ചും പ്രവാസി ദോഹ മുന് ചെയര്മാന് സി.വി. റപ്പായി വിശദീകരിച്ചു. ചടങ്ങില് പ്രവാസി ദോഹയുടെ മുന് രക്ഷാധികാരികൂടിയായിരുന്ന എം.ടി. വാസുദേവന് നായരുടെ സ്മരണാര്ത്ഥം നടത്തിയ പ്രബന്ധരചനാ മത്സരത്തിലെ വിജയികളായ അമല് ഫര്മീസിനും, ശോഭ നായര്ക്കും ക്യാഷ് അവാര്ഡും ഉപഹാരവും സി വി റപ്പായിയും, കെ എം വര്ഗീസും ചേര്ന്ന് സമ്മാനിച്ചു.
ആര് ജെ രതീഷിന് പ്രവാസി ദോഹസ്ഥാപകാംഗം ബഷീര് ഉപഹാരം നല്കി. പ്രവാസി ദോഹ ചെയര്മാന് കെ.എം. വര്ഗീസ്, അഡ്ഹോക്ക് കമ്മിറ്റി അംഗം ഇക്ബാല് ചേറ്റുവ, അമല് ഫര്മീസ്, ശോഭ നായര് എന്നിവര് സംസാരിച്ചു.
.jpg)
Related News
