റിയാദ്: റിയാദ് ഇന്ത്യന് ഇസ്ലാഹി സെന്റര് സംഘടിപ്പിച്ച 'ഈലാഫ് ഫാമിലി മീറ്റ് 2026' വിവിധ പരിപാടികളോടെ ആവേശകരമായി സമാപിച്ചു. എക്സിറ്റ് 18-ലെ ദുറത് മനാഫ് ഇസ്തിറാഹയില് നടന്ന സംഗമം ബത്ഹ ജാലിയാത്ത് മേധാവി ശൈഖ് സ്വാലിഹ് ബിന് സൗദ് അല് സൂമാന് ഉദ്ഘാടനം ചെയ്തു. ശൈഖ് മുഹമ്മദ് ബിന് ബാസ്, റിയാദ് ഇന്ത്യന് ഇസ്ലാഹി സെന്റര് ജനറല് സെക്രട്ടറി അബ്ദുറസാഖ് സ്വലാഹി, അഡ്വ. അബ്ദുല് ജലീല്, നൗഷാദ് കോഴിക്കോട്, മുഹമ്മദ് കുട്ടി കടന്നമണ്ണ, മുജീബ് തൊടികപ്പുലം എന്നിവര് ചടങ്ങില് സംസാരിച്ചു.
പ്രവാസികള്ക്ക് വേറിട്ടൊരു മാനസികോല്ലാസവും ഒത്തുചേരലും സമ്മാനിച്ച പരിപാടിയില് റിയാദിലെ വിവിധ ഭാഗങ്ങളില് നിന്നുള്ള നൂറുകണക്കിന് കുടുംബങ്ങളും പ്രവര്ത്തകരും പങ്കെടുത്തു. ബത്ഹ, മലസ്, റൗദ, സുമേഷി, അസീസിയ, മംഗ്ലൂര് എന്നീ യൂണിറ്റുകളെ പ്രതിനിധീകരിച്ചാണ് മത്സരങ്ങള് നടന്നത്.
കലാ-കായിക രംഗങ്ങളില് മാറ്റുരച്ച ആവേശപ്പോരാട്ടത്തിനൊടുവില് കൂടുതല് പോയിന്റുകള് നേടി ബത്ഹ യൂണിറ്റ് പ്രഥമ 'ഈലാഫ്' കന്നിക്കിരീടം സ്വന്തമാക്കി. മലസ് യൂണിറ്റാണ് റണ്ണേഴ്സ് അപ്പ്. പ്രസംഗം, സംഘഗാനം തുടങ്ങിയ കലാമത്സരങ്ങളും ഫുട്ബോള്, വടംവലി, റിലേ തുടങ്ങിയ കായിക മത്സരങ്ങളും സംഗമത്തിന് ആവേശം പകര്ന്നു. സ്ത്രീകള്ക്കായി എം.ജി.എം. (ങഏങ) സെന്ട്രല് കമ്മിറ്റിയുടെ ആഭിമുഖ്യത്തില് പ്രത്യേക മത്സരങ്ങളും പരിപാടികളും സംഘടിപ്പിച്ചിരുന്നു.
അബ്ദുറസാഖ് എടക്കര, സാജിദ് കൊച്ചി, ഇക്ബാല് വേങ്ങര, ഹനീഫ് മാസ്റ്റര്, മുജീബ് ഒതായി, സിബ്ഗത്തുള്ള, മൂസ തലപ്പാടി, ഉമര് ഖാന്, അഷ്റഫ് മംഗലാപുരം, റഷീദ് വടക്കന്, മാസിന്, അബ്ദുനാസര് മണ്ണാര്ക്കാട്, ഫിറോസ്, ഫറാസ്, ബാസില് പുളിക്കല്, വാജിദ് ചെറുമുക്ക്, ഹാഷിം ആലപ്പുഴ, മിദ്ലാജ് സ്വലാഹി, അബ്ദുല് ഗഫൂര്, മുജീബ് ഇരുമ്പുഴി, ആത്തിഫ് ബുഖാരി, അഫ്സല് സ്വലാഹി, ഫര്ഹാന് ഇസ്ലാഹി, വാജിദ് കരിപ്പൂര്, ഫര്ഹാന് കാരക്കുന്ന് എന്നിവര് വിവിധ പ്രോഗ്രാമുകള്ക്ക് നേതൃത്വം നല്കി.
.jpg)
