റിയാദ്: ആര്ട്ടിഫിഷ്യല് ഇന്റലിജന്സ്, ഡിജിറ്റല് നവീകരണം എന്നീ മേഖലകളിലെ മികവിന് സൗദി ഡാറ്റ ആന്ഡ് ആര്ട്ടിഫിഷ്യല് ഇന്റലിജന്സ് അതോറിറ്റിയുടെ (സെഡായ) ആറ് ദേശീയ പദ്ധതികള്ക്ക് ഡബ്ല്യു.എസ്.ഐ.എസ് 2026 പുരസ്കാരം ലഭിച്ചതായി സൗദി പ്രസ് ഏജന്സി റിപ്പോര്ട്ട് ചെയ്തു. വിഷന് 2030 വികസന തന്ത്രത്തിന് അനുസൃതമായി ഡിജിറ്റല് മാറ്റം വേഗത്തിലാക്കാനും ഉത്തരവാദിത്തമുള്ള എഐ ഉപയോഗം പ്രോത്സാഹിപ്പിക്കാനും ലക്ഷ്യമിട്ടുള്ളതാണ് ഈ പദ്ധതികള്.
എഐ സര്വീസ് പ്രൊവൈഡര് അക്രഡിറ്റേഷന്, എഐ സഹായത്തോടെയുള്ള സ്തനാര്ബുദ നിര്ണയ പരിപാടി, ജനറേറ്റീവ് എഐ ആക്സിലറേറ്റര്, ചരിത്രപരമായ മീഡിയ ആര്ക്കൈവുകള് ഡിജിറ്റലായി പുനഃസ്ഥാപിക്കുന്ന തഹ്സീന്, മീഡിയ സെക്ടറിലെ എഐ എത്തിക്സ്, ദേശീയ ഡിജിറ്റല് ഐഡന്റിറ്റി പ്ലാറ്റ്ഫോമായ നഫാത് എന്നിവയാണ് പുരസ്കാരം നേടിയ പ്രധാന പദ്ധതികള്.
സെഡായയുടെ ഒമ്പത് പദ്ധതികളാണ് ഏപ്രിലില് ഡബ്ല്യു.എസ്.ഐ.എസ് പ്രൈസസ് 2026-നായി ഷോര്ട്ട്ലസ്റ്റ് ചെയ്യപ്പെട്ടിരുന്നത്. ആഗോളതലത്തില് ഡിജിറ്റല് ഇന്ക്ലൂഷനും സുസ്ഥിര വികസനവും ലക്ഷ്യമിട്ടാണ് ഇന്റര്നാഷണല് ടെലികമ്മ്യൂണിക്കേഷന് യൂണിയന്റെ നേതൃത്വത്തില് ഉച്ചകോടി സംഘടിപ്പിച്ചത്.
Related News
