റിയാദ്: രാജ്യത്തെ തൊഴില് വിപണിയിലെ സുതാര്യത ഉറപ്പുവരുത്തുന്നതിന്റെയും ഉപഭോക്താക്കളുടെ അവകാശങ്ങള് സംരക്ഷിക്കുന്നതിന്റെയും ഭാഗമായി 12 റിക്രൂട്ട്മെന്റ് ഓഫീസുകള്ക്കെതിരെ കര്ശന നിയമനടപടികളുമായി സൗദി മനുഷ്യവിഭവ -സാമൂഹിക വികസന മന്ത്രാലയം. 2026-ന്റെ രണ്ടാം പാദത്തില് നടത്തിയ കര്ശനമായ നിരീക്ഷിണങ്ങള്ക്കൊടുവിലാണ് നടപടി.
നിയമലംഘനങ്ങള് പരിഹരിക്കാന് നല്കിയ സമയപരിധി പാലിക്കാത്തതിനെ തുടര്ന്ന് 5 ഓഫീസുകളുടെ പ്രവര്ത്തനം മന്ത്രാലയം ഉടനടി സസ്പെന്ഡ് ചെയ്യുകയും, 7 ഓഫീസുകളുടെ ലൈസന്സ് റദ്ദാക്കുകയും ചെയ്തു.
മന്ത്രാലയം കണ്ടെത്തിയ പ്രധാന വീഴ്ചകള് താഴെ പറയുന്നവയാണ്:
-റിക്രൂട്ട്മെന്റ് പ്രവര്ത്തനങ്ങള്ക്കും ലേബര് സര്വീസുകള്ക്കുമുള്ള നിശ്ചിത ചട്ടങ്ങള് ലംഘിക്കുക.
-ഉപഭോക്താക്കള്ക്ക് തിരികെ നല്കാനുള്ള തുക നല്കുന്നതില് വരുത്തിയ കാലതാമസം.
-ഗുണഭോക്താക്കളുടെ പരാതികള് സമയബന്ധിതമായി പരിഹരിക്കാതിരിക്കുക.
റിക്രൂട്ട്മെന്റ് ഓഫീസുകളുടെയും കമ്പനികളുടെയും പ്രവര്ത്തനം കൃത്യമായി നിരീക്ഷിക്കുന്നത് തുടരുമെന്നും നിര്ദ്ദേശങ്ങള് ലംഘിക്കുന്നവര്ക്കെതിരെ കടുത്ത നിയമനടപടികള് സ്വീകരിക്കുമെന്നും മന്ത്രാലയം ആവര്ത്തിച്ചു വ്യക്തമാക്കി.
.jpg)
Related News
