തിരുവനന്തപുരം: സ്കൂള് കെട്ടിടങ്ങള്ക്ക് ഫിറ്റ്നസ് ഇല്ലാത്തതിന്റെ പേരില് അധ്യാപകരുടെയും ജീവനക്കാരുടെയും ശമ്പളം തടയാനുള്ള സര്ക്കാര് നടപടിയില് പ്രതിഷേധിച്ച് പ്രതിപക്ഷ അധ്യാപക സംഘടനകള്. അധ്യാപകരെ ബലിയാടാക്കാനുള്ള നീക്കം പിന്വലിച്ചില്ലെങ്കില് സമരത്തിനിറങ്ങാനാണ് തീരുമാനം.
ശമ്പളം നല്കാതിരിക്കുന്നത് നിയമവിരുദ്ധ നടപടിയാണെന്ന് മുന്മന്ത്രി വി. ശിവന്കുട്ടി പറഞ്ഞു. സ്കൂള് ഫിറ്റ്നസിന്റെ പേരില് നടത്തുന്ന അധ്യാപകദ്രോഹ നടപടികള്ക്കു എതിരെ സമരം തുടങ്ങുമെന്ന് എ.കെ.എസ്.ടി.യു. ജനറല് സെക്രട്ടറി ഒ.കെ. ജയകൃഷ്ണന് പറഞ്ഞു. ഉത്തരവ് പിന്വലിച്ചില്ലെങ്കില് എല്ലാ സംഘടനകളെയും ഒന്നിപ്പിച്ച് പ്രതിഷേധത്തിനിറങ്ങുമെന്ന് കെ.എസ്.ടി.എ. ജനറല് സെക്രട്ടറി ടി.കെ.എ. ഷാഫി പറഞ്ഞു. അധ്യാപകദ്രോഹ നടപടികള് ചെറുക്കുമെന്ന് കെ.എസ്.ടി.സി. സംസ്ഥാന പ്രസിഡന്റ് ഹരീഷ് കടവത്തൂര് പറഞ്ഞു.
Related News
