തിരുവനന്തപുരം: മലയാള സിനിമയുടെ ചരിത്രത്തില് പുതിയ സാങ്കേതിക അധ്യായം കുറിക്കുന്ന ആദ്യ ആര്ട്ടിഫിഷ്യല് ഇന്റലിജന്സ് (AI) സിനിമയായ വാഗ്ദത്തഭൂമിയുടെ പോസ്റ്റര് പ്രകാശനം കേരള സംസ്ഥാന മുഖ്യമന്ത്രി വി.ഡി. സതീശന് തിരുവനന്തപുരത്ത് നിര്വഹിച്ചു. ചടങ്ങില് ചിത്രത്തിന്റെ നിര്മാതാവ് ഷാജു വാലപ്പന് സന്നിഹിതനായിരുന്നു.
പ്രശസ്ത സംവിധായകനും കാര്ട്ടൂണിസ്റ്റുമായ സിദ്ദിക്ക് പറവൂര് സംവിധാനം ചെയ്യുന്ന വാഗ്ദത്തഭൂമി മലയാള ചലച്ചിത്രരംഗത്ത് AI സാങ്കേതികവിദ്യയുടെ സാധ്യതകള് സൃഷ്ടിപരമായി ഉപയോഗിക്കുന്ന വ്യത്യസ്തമായൊരു സിനിമാ പരീക്ഷണമാണ്. പരമ്പരാഗത ചലച്ചിത്രഭാഷയും നവീന ആര്ട്ടിഫിഷ്യല് ഇന്റലിജന്സ് സാങ്കേതികവിദ്യയും സമന്വയിപ്പിച്ച് മനുഷ്യബന്ധങ്ങളും സാമൂഹിക യാഥാര്ത്ഥ്യങ്ങളും അവതരിപ്പിക്കുന്ന ചിത്രമാണിത്.
കേരളത്തിലെ മലയോര ജീവിത പശ്ചാത്തലത്തില് ഭൂമിയോടും ഓര്മ്മകളോടും വേരുകളോടുമുള്ള മനുഷ്യന്റെ ആത്മബന്ധമാണ് വാഗ്ദത്തഭൂമിയുടെ പ്രധാന പ്രമേയം. പുതിയ തലമുറയുടെ വിദേശ കുടിയേറ്റവും, പൂര്വികരുടെ ഓര്മ്മകള് നിറഞ്ഞ ജന്മനാടുമായുള്ള ബന്ധവും, പ്രകൃതിയോടുള്ള മനുഷ്യന്റെ ഉത്തരവാദിത്വവും ചിത്രം ചര്ച്ച ചെയ്യുന്നു.
AI സാങ്കേതികവിദ്യ ഉപയോഗിച്ച് കഥാപാത്രങ്ങള്, ദൃശ്യാവിഷ്കാരം, സിനിമാറ്റിക് അന്തരീക്ഷം എന്നിവ രൂപപ്പെടുത്തുന്ന ഈ ചിത്രം മലയാള സിനിമയില് പുതിയ സൃഷ്ടിപരമായ സാധ്യതകളിലേക്കുള്ള ചുവടുവയ്പ്പായി മാറുന്നു. ലോക സിനിമയില് വേഗത്തില് വളര്ന്നുവരുന്ന AI ഫിലിം മേക്കിംഗ് മേഖലയിലേക്ക് മലയാള സിനിമയുടെ സാന്നിധ്യം രേഖപ്പെടുത്തുന്ന ശ്രമം കൂടിയാണ് വാഗ്ദത്തഭൂമി.
വാലപ്പന് ക്രിയേഷന്സിന്റെ ബാനറില് ഷാജു വാലപ്പന് നിര്മിക്കുന്ന ചിത്രത്തിന്റെ സംവിധാനം സിദ്ദിക്ക് പറവൂര് നിര്വഹിക്കുന്നു.
Related News
