കണ്ണൂര്: നാട്ടുകാരും സന്നദ്ധ സംഘടനകളും ചേര്ന്ന് പണം പിരിച്ച് സൗദി ജയിലില് നിന്നും മോചിപ്പിച്ച കൊലക്കേസ് പ്രതി രാസലഹരി വില്പനയ്ക്കിടെ കണ്ണൂരില് അറസ്റ്റില്. കരിക്കോട്ടക്കരി വളയംകോട് സ്വദേശി ഫിദാ മന്സിലില് ടി. ഫസലുദ്ദീനെയാണ് (44) ഇരിട്ടി പൊലീസ് പിടികൂടിയത്. തട്ടുകടയുടെ മറവില് മെത്താംഫെറ്റമിന് വില്പന നടത്തിവന്ന ഇയാള് സംസ്ഥാനാന്തര ലഹരിമരുന്നു ശൃംഖലയിലെ മുഖ്യ കണ്ണിയാണെന്ന് പൊലീസ് വ്യക്തമാക്കി.
2006-ല് സൗദി അറേബ്യയില് ടാക്സി ഡ്രൈവറായി ജോലി ചെയ്യുന്നതിനിടെ മംഗളൂരു സ്വദേശിയെ കൊലപ്പെടുത്തിയ കേസില് പത്തോളം വര്ഷം ഫസലുദ്ദീന് ജയില് ശിക്ഷ അനുഭവിച്ചിരുന്നു. തുടര്ന്ന് വിവിധ രാഷ്ട്രീയ ഇടപെടലുകളും സന്നദ്ധ സംഘടനകളുടെയും പ്രവാസികളുടെയും നാട്ടുകാരുടെയും കൂട്ടായ ശ്രമഫലമായി 80 ലക്ഷം രൂപ കണ്ടെത്തിമോചനദ്രവ്യം (ദിയാധനം) നല്കിയാണ് ഇയാളെ മോചിപ്പിച്ച് നാട്ടിലെത്തിച്ചത്.
നേരത്തെ സ്വകാര്യ ടൂറിസ്റ്റ് ബസില് എംഡിഎംഎ കടത്തിയ കേസില് പിടിയിലായി റിമാന്ഡില് കഴിയുന്ന പടിയൂര് സ്വദേശി ഡെന്നി ഏബ്രഹാമിനെ പൊലീസ് കസ്റ്റഡിയില് വാങ്ങി ചോദ്യം ചെയ്തപ്പോഴാണ് ഫസലുദ്ദീന്റെ ലഹരിബന്ധം പുറത്തുവന്നത്. തുടര്ന്ന് നടത്തിയ ഫോണ് രേഖകളുടെയും ബാങ്ക് അക്കൗണ്ട് ഇടപാടുകളുടെയും പരിശോധനയില് ഇയാള് ബെംഗളൂരുവില് നിന്നും കേരളത്തിലേക്ക് വ്യാപകമായി മെത്താംഫെറ്റമിന് കടത്തിയിട്ടുണ്ടെന്ന് തെളിവ് ലഭിക്കുകയായിരുന്നു.
.jpg)
Related News
