റാസൽഖൈമ: ​ ഇന്ന് (ചൊവ്വ)​റാസൽഖൈമയിൽനിന്ന് ഇന്ന് നാട്ടിലെത്താനിരുന്ന യുവാവ് ഹൃദയാഘാതം മൂലം മരിച്ചു. തൃപ്രങ്ങോട് ആനപ്പടി സ്വദേശി ശശികുമാറാണ് (45) മരിച്ചത്.
​ഇന്നലെ കൂട്ടുകാരുമായി വീഡിയോ കോളിൽ സംസാരിച്ച് പെട്ടി ഉൾപ്പെടെ കെട്ടിവച്ചിരുന്നു. തൃപ്രങ്ങോട് ജെന്റിൽ ടീംസ്, ലൈഫ് ചാരിറ്റബിൾ ട്രസ്റ്റ് എന്നീ സംഘടനകളിലെ പ്രവർത്തകനും ജീവകാരുണ്യ-പൊതുപ്രവർത്തന മേഖലകളിൽ സജീവ സാന്നിധ്യവുമായിരുന്നു.
​റാസൽഖൈമ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നിയമനടപടികൾ പൂർത്തിയാക്കി നാട്ടിലെത്തിക്കും.