ന്യൂദല്ഹി- കേന്ദ്ര വിദ്യാഭ്യാസ മന്ത്രി ധര്മേന്ദ്ര പ്രധാന്റെ രാജി അന്തര്ദേശീയ മാധ്യമങ്ങളില് വരെ മുഖ്യവാര്ത്തയായി. ജന്തര്മന്തറിലെ പാറ്റ സമരം ഇതിനകം രാജ്യാന്തര ശ്രദ്ധ പിടിച്ചുപറ്റിയത് കേന്ദ്രസര്ക്കാരിനെ വിഷമവൃത്തത്തിലാക്കിയിരുന്നു.
ബി.ബി.സി അടക്കമുള്ള രാജ്യാന്തരമാധ്യമങ്ങള് നിരന്തരം ലൈവ് വാര്ത്തകള് നല്കി വിദ്യാര്ഥി പ്രക്ഷോഭത്തെ അന്താരാഷ്ട്ര ശ്രദ്ധയിലേക്ക് കൊണ്ടുവന്നു. ഇതേത്തുടര്ന്ന് ലണ്ടനിലടക്കം ഇന്ത്യന് വിദ്യാര്ഥികള് തെരുവിലിറങ്ങി പ്രക്ഷോഭത്തോട് അനുഭാവം പ്രകടിപ്പിച്ചു.
അന്താരാഷ്ട്രതലത്തില് ഇന്ത്യയുടെ പ്രതിച്ഛായ ഈ സംഭവത്തോടെ മോശമാകുന്നു എന്ന് തിരിച്ചറിഞ്ഞതും ധര്മേന്ദ്രപ്രധാന്റെ രാജിയിലേക്ക് നയിച്ച പ്രധാന കാരണമാണ്. രാജിയില്ലാതെ സമരം അവസാനിപ്പിക്കാന് മാര്ഗമില്ലെന്ന് സര്ക്കാരിന് മനസ്സിലാക്കി.
ആക്ടിവിസ്റ്റ് സോനം വാങ്ചുകിന്റെ നിരാഹാര സമരം, ജന്തര് മന്തറില് വിദ്യാര്ഥികളെ ക്രൂരമായി മര്ദിച്ച സംഭവം എന്നിവ വിദ്യാര്ഥിരോഷം ആളിക്കത്താന് ഇടയാക്കി.
Related News
