ജിദ്ദ: അന്തരിച്ച സമസ്ത കേരള ജംഇയ്യത്തുല് ഉലമ ജനറല് സെക്രട്ടറിയും ശൈഖുല് ജാമിഅയുമായ മര്ഹൂം കെ. ആലിക്കുട്ടി മുസ്ലിയാരുടെ അനുസ്മരണ യോഗം ജിദ്ദ ഷറഫിയ്യ ദാറുസ്സലാം വില്ലയില് സയ്യിദ് സൈനുല് ആബിദീന് തങ്ങളുടെ (എസ്.ഐ.സി. ജിദ്ദാ കമ്മിറ്റി പ്രസിഡന്റ്) അധ്യക്ഷതയില് എസ്.ഐ.സി. സൗദി നാഷണല് കമ്മിറ്റി പ്രസിഡന്റ് സയ്യിദ് ഉബൈദുല്ല തങ്ങള് മേലാറ്റൂര് ഉദ്ഘാടനം നിര്വഹിച്ചു.
അഗാധ പാണ്ഡിത്യവും സ്വതസിദ്ധമായ വിനയവും കൊണ്ട് ശ്രദ്ധേയമായിരുന്നു പ്രൊഫസര് ആലിക്കുട്ടി ഉസ്താദിന്റെ ജീവിതം. ചെറുപ്പം മുതല് തന്നെ വൈജ്ഞാനിക മേഖലയില് തന്റേതായൊരിടം കണ്ടെത്താനും അതുവഴി ആയിരക്കണക്കിന് ശിഷ്യന്മാര്ക്ക് വഴിവെളിച്ചം നല്കാനും അദ്ദേഹത്തിന് സാധിച്ചു. തന്റെ ജീവിതകാലത്ത് സമസ്തയിലും വൈജ്ഞാനിക മേഖലകളിലും, വിശിഷ്യാ ഉമ്മുല് മദാരിസായ പട്ടിക്കാട് ജാമിഅ നൂരിയ്യ അറബിക് കോളേജ് തുടങ്ങിയ സ്ഥാപനങ്ങളിലും പ്രൊഫസറായി പ്രവര്ത്തിച്ചിട്ടുണ്ട്. പ്രസിദ്ധീകരണ രംഗത്തും വിവിധ പുസ്തകരചനകള് നടത്തി ഉസ്താദ് തന്റേതായ കഴിവ് തെളിയിച്ചിട്ടുണ്ട്. ലോക മുസ്ലിം പണ്ഡിതസഭയായ റാബിത്വയിലെ സ്ഥിരാംഗമായിരുന്ന അദ്ദേഹം സംഘടനയുടെ പല അന്താരാഷ്ട്ര സമ്മേളനങ്ങളിലും അവതരിപ്പിച്ച പ്രബന്ധങ്ങള് ശ്രദ്ധേയമായിരുന്നു. സൗദിയിലെ സമസ്തയുടെ പ്രവര്ത്തനങ്ങളെ ഏകോപിപ്പിച്ചുകൊണ്ട് 2018-ല് നിലവില്വന്ന സമസ്തയുടെ പ്രഥമ പ്രവാസി പോഷകഘടകമായ എസ്.ഐ.സി. സൗദി നാഷണല് കമ്മിറ്റിയുടെ പ്രഖ്യാപനം പരിശുദ്ധ മദീനയില്വച്ച് നടത്തിയത് ഉസ്താദ് അവറുകളായിരുന്നുവെന്ന് സയ്യിദ് ഉബൈദ് തങ്ങള് അനുസ്മരിച്ചു.
സൗദി കെ.എം.സി.സി. നാഷണല് ട്രഷറര് അഹമ്മദ് പാളയാട്ട്, അബൂബക്കര് അരിമ്പ്ര (കെ.എം.സി.സി. ജിദ്ദ പ്രസിഡന്റ്), കെ.എം.സി.സി. സീനിയര് നേതാവ് ടി.എം.എ. റഊഫ്, വി.പി. മുസ്തഫ (കെ.എം.സി.സി. ജിദ്ദ ജനറല് സെക്രട്ടറി), അബ്ദുല് നാസര് കോഴിത്തോടി (ഒ.ഐ.സി.സി. കോഴിക്കോട് ജില്ലാ പ്രസിഡന്റ്) എന്നിവര് അനുസ്മരിച്ചു സംസാരിച്ചു.
എം.എ. കോയ മൂന്നിയൂര്, സിദ്ധീഖ് ഹാജി വടകര (ജീപാസ്), കെ.പി. അബ്ദുല് റഹ്മാന് ഹാജി കൊണ്ടോട്ടി, ഹൈദര് ദാരിമി തുവ്വൂര്, സുലൈമാന് മുസ്ലിയാര് ആലുവ, എന്ജിനീയര് ജാബിര് നാദാപുരം, അന്വര് ഹുദവി വേങ്ങര, ദില്ഷാദ് കാടാമ്പുഴ, മൊയ്ദീന് കുട്ടി അരിമ്പ്ര, അബ്ദുല് മുസവ്വിര്, മഹ്ശൂബ് കോഴിക്കോട്, ഹാഷ്മി കിഴിശ്ശേരി, ഹുസൈന് പാതിരമണ്ണ, അബ്ദുല് ലത്തീഫ് വെന്നിയൂര്, സലീം മലയില് അമ്മിനിക്കാട്, ലത്തീഫ് മുസ്ലിയാരങ്ങാടി തുടങ്ങിയവര് സംബന്ധിച്ചു.
അഹ്മദ് റഹ്മാനി, മുഹമ്മദലി മുസ്ലിയാര് വെട്ടത്തൂര്, അഷ്റഫ് ദാരിമി മണ്ണാര്ക്കാട് എന്നിവര് പ്രാര്ത്ഥനാ സദസ്സിന് നേതൃത്വം നല്കി. അബൂബക്കര് ദാരിമി ആലമ്പാടി (എസ്.ഐ.സി. സൗദി നാഷണല് കമ്മിറ്റി വൈസ് പ്രസിഡന്റ്) സ്വാഗതവും സൗദി നാഷണല് എക്സിക്യൂട്ടീവ് മെമ്പര് മുഹമ്മദ് റഫീഖ് കൂളത്ത് നന്ദിയും പറഞ്ഞു.
Related News
