ജിദ്ദ: മൂന്ന് ദിവസം മുന്‍പ് ജിദ്ദയില്‍ മരണപ്പെട്ട മമ്പാട് ഓടായിക്കല്‍ കരിക്കാട്ടുമണ്ണ പട്ടാമ്പി ഉമ്മറിന്റെ മകന്‍ മുഹമ്മദ് ഷാജിയുടെ (49) മൃതദേഹം നാളെ (വ്യാഴം) നാട്ടില്‍ ഖബറടക്കും. മൃതദേഹം നാട്ടിലേക്കു കൊണ്ടുപോകുന്നതിനു മുന്നോടിയായി ഇന്ന് (ബുധന്‍) വൈകുന്നേരം 4 മണിക്ക് ജിദ്ദ മഹ്ജര്‍ കിങ് അബ്ദുല്‍ അസീസ് ഹോസ്പിറ്റല്‍ ഫോറന്‍സിക് വിഭാഗത്തിന് മുന്നില്‍ വെച്ച് മയ്യിത്ത് നമസ്‌കാരം ഉണ്ടായിരിക്കും.

നാളെ പുലര്‍ച്ചെ 5 മണിക്ക് ജിദ്ദയില്‍ നിന്നും പുറപ്പെട്ട് ഉച്ചയ്ക്ക് 2:10 ന് കരിപ്പൂരില്‍ എത്തുന്ന ഇന്‍ഡിഗോ വിമാനത്തില്‍ നാട്ടിലെത്തിക്കുന്ന മൃതദേഹം കരിപ്പൂരില്‍ ഏറ്റുവാങ്ങി വൈകുന്നേരം 5:30 ന് അത്തിക്കടവ് ജുമാ മസ്ജിദ് ഖബര്‍സ്ഥാനില്‍ ഖബറടക്കും. ജിദ്ദ കെ.എം.സി.സി. വെല്‍ഫയര്‍ വിങ്ങിന്റെ സുബൈര്‍ വട്ടോളിയുടെ നേതൃത്വത്തിലാണ് നടപടിക്രമങ്ങള്‍ പൂര്‍ത്തീകരിച്ചത്.

ജിദ്ദ കിലോ പത്തില്‍ താമസിച്ചിരുന്ന മുഹമ്മദ് ഷാജി പന്ത്രണ്ട് വര്‍ഷമായി ഹെവി ഡ്രൈവറായി ജോലി ചെയ്തുവരികയായിരുന്നു. ഭാര്യ: നെട്ടിക്കുളം താഹിറ. മക്കള്‍: അഖില്‍ റോഷന്‍, അമീന്‍, അന്‍ഹ, അദാന്‍. സഹോദരങ്ങള്‍: ഹനീഫ, ആയിശ, സലീന.