ലണ്ടന്: കൊവെന്റ് ഗാര്ഡന് ഡിസ്ട്രിക്റ്റിന് സമീപമുള്ള തെരുവില് നാല് പേര്ക്ക് കുത്തേറ്റു. സംഭവവുമായി ബന്ധപ്പെട്ട് ഒരു സ്ത്രീയെ പോലീസ് അറസ്റ്റ് ചെയ്തു. മാനസികാരോഗ്യവുമായി ബന്ധപ്പെട്ട ഒരു സംഭവമാണിതെന്ന് പോലീസ് സംശയിക്കുന്നു.
നാല്പതു വയസ് തോന്നിക്കുന്ന സ്ത്രീയാണ് കസ്റ്റഡിയിലുള്ളത്. ആക്രമണ ആയുധം കൈവശം വെച്ചതിനും ആക്രമണം നടത്തിയതിനുമാണ് ഇവര്ക്കെതിരെ കേസെടുത്തിരിക്കുന്നത്. 'സംഭവസ്ഥലത്തുനിന്നും ഒരു ജോടി കത്രിക പൊലീസ് പിടിച്ചെടുത്തിട്ടുണ്ട്.
34, 39, 42, 52 വയസ്സായ നാല് പുരുഷന്മാര്ക്കാണ് കുത്തേറ്റത്. സംഭവസ്ഥലത്ത് വെച്ച് പ്രാഥമിക ചികിത്സ നല്കിയ ഇവരെ പിന്നീട് അടുത്തുള്ള ട്രോമാ സെന്ററിലേക്ക് മാറ്റിയതായി ലണ്ടന് ആംബുലന്സ് സര്വീസ് വക്താവ് അറിയിച്ചു.
വിനോദസഞ്ചാരികള് ഏറെയെത്തുന്നതും തെരുവ് കലാകാരന്മാര്ക്ക് പേരുകേട്ടതുമായ കൊവെന്റ് ഗാര്ഡന് ചത്വരത്തില് നിന്നും ഏകദേശം കാല് മൈല് അകലെയുള്ള എന്ഡെല് തെരുവിലാണ് സംഭവം നടന്നത്.
Related News
