അല് ഖോബാര്/ഹഫര് അല് ബാത്തിന്: സൗദി അറേബ്യയിലെ വിവിധ ഭാഗങ്ങളില് പ്രവാസികളുടെ നേതൃത്വത്തില് ഭാരതത്തിന്റെ 80-ാമത് സ്വാതന്ത്ര്യദിനം വിപുലമായി ആഘോഷിച്ചു. രാജ്യത്തിന്റെ പൈതൃകവും സ്വാതന്ത്ര്യസമര സേനാനികളുടെ ത്യാഗങ്ങളും സ്മരിച്ചുകൊണ്ട് അല് ഖോബാറിലും ഹഫര് അല് ബാത്തിനിലും നടന്ന ചടങ്ങുകള് ശ്രദ്ധേയമായി.
വേള്ഡ് മലയാളി കൗണ്സില് അല് ഖോബാര് പ്രൊവിന്സ് ആഘോഷം
അല് ഖോബാര് കാസ ഹോട്ടല് ഹാളില് നടന്ന ആഘോഷപരിപാടികള് വേള്ഡ് മലയാളി കൗണ്സില് ഗ്ലോബല് സെക്രട്ടറി ജനറല് മൂസക്കോയ ഉദ്ഘാടനം ചെയ്തു. ഭാരതത്തിന്റെ സ്വാതന്ത്ര്യ സമര പോരാട്ടങ്ങളെയും ധീര ദേശാഭിമാനികളെയും അനുസ്മരിച്ചുകൊണ്ട് അദ്ദേഹം സ്വാതന്ത്ര്യദിന സന്ദേശം നല്കി. ജനറല് സെക്രട്ടറി അഷ്റഫ് ആലുവ സ്വാഗത പ്രസംഗത്തില് സ്വാതന്ത്ര്യസമര ചരിത്രത്തെയും സ്വാതന്ത്ര്യാനന്തര ഭാരതത്തിന്റെ വളര്ച്ചയെയും കുറിച്ചു സംസാരിച്ചു.
അല് ഖോബാര് പ്രൊവിന്സ് പ്രസിഡന്റ് ഷമീം കാട്ടാക്കട അധ്യക്ഷത വഹിച്ചു. രാജ്യത്തിന്റെ പൈതൃകവും മുന്ഗാമികളുടെ സംഭാവനകളും പ്രവാസലോകത്ത് ഉയര്ത്തിപ്പിടിക്കേണ്ടതിന്റെ ആവശ്യകത അദ്ദേഹം ഓര്മ്മിപ്പിച്ചു. ഭരണഘടന വിഭാവനം ചെയ്യുന്ന മതേതരത്വം, സമത്വം, സാഹോദര്യം എന്നീ മൂല്യങ്ങള് എല്ലാ ഭാരതീയരും ജീവിതത്തില് ഉടനീളം പുലര്ത്തണമെന്ന് അദ്ദേഹം അഭ്യര്ത്ഥിച്ചു. ചെയര്മാന് ഗുലാം ഹമീദ് ഫൈസല് മുഖ്യപ്രഭാഷണം നടത്തി. ഇന്ത്യയുടെ ഭാവി വളര്ന്നുവരുന്ന യുവജനങ്ങളും കുട്ടികളുമാണെന്നും, അവരെ രാജ്യ പുരോഗതിക്കായി സജ്ജരാക്കാന് മാതാപിതാക്കളും സംഘടനകളും ഒത്തൊരുമിച്ച് പ്രവര്ത്തിക്കണമെന്നും അദ്ദേഹം ഓര്മ്മിപ്പിച്ചു.
ദിനേശന് നടുക്കണ്ടിയില്, ദിലീപ് കുമാര്, ഷെഫീഖ് സി.കെ., അനുപമ ദിലീപ്, റൈനി ബാബു, സുജ റോയ്, ഷെറി ഷമീം, റീജ അഷ്റഫ്, ബാബു എന്, റോയ് വര്ഗീസ് എന്നിവര് ആശംസകള് നേര്ന്നു. പ്രൊവിന്സ് ട്രഷറര് അജീം ജലാലുദീന് നന്ദി പറഞ്ഞു.
ഒ.ഐ.സി.സി ഹഫര് അല് ബാത്തിന് കമ്മിറ്റിയുടെ സ്വാതന്ത്ര്യദിനാഘോഷം
സ്വാതന്ത്ര്യസമര സേനാനികളുടെ ജീവത്യാഗവും പോരാട്ടങ്ങളും സ്മരിച്ചുകൊണ്ട് ഒ.ഐ.സി.സി ഹഫര് അല് ബാത്തിന് കമ്മിറ്റിയുടെ നേതൃത്വത്തില് സ്വാതന്ത്ര്യദിനം ആഘോഷിച്ചു. ഒ.ഐ.സി.സി ഹഫര് അല് ബാത്തിന് പ്രസിഡന്റ് വിബിന് മറ്റത്ത് അധ്യക്ഷത വഹിക്കുകയും ദേശീയപതാക ഉയര്ത്തുകയും ചെയ്തു.
ജനറല് സെക്രട്ടറി സൈഫുദ്ധീന് പള്ളിമുക്ക് സ്വാഗതം ആശംസിച്ചു. ഈസ്റ്റേണ് പ്രൊവിന്സ് ഭാരവാഹികളായ സെക്രട്ടറി സലീം കീരിക്കാട്, നിര്വാഹക സമിതി അംഗം ഇക്ബാല് ആലപ്പുഴ എന്നിവര് സ്വാതന്ത്ര്യദിനാശംസകള് നേര്ന്നു.
അനൂപ് പ്രഭാകരന്, ഷബ്നാസ് കണ്ണൂര്, സമദ് കരുനാഗപ്പള്ളി, രതീഷ് ചിറക്കല്, ഉസ്മാന് പള്ളങ്ങല്, ജംഷാദ് അലി, അബ്ദുള് ഗഫൂര്, ആന്സിഫ് മദീന് എന്നിവര് പരിപാടികള്ക്ക് നേതൃത്വം നല്കി. ജോമോന് ജോസഫ് നന്ദി പറഞ്ഞു. തുടര്ന്ന് മധുരവിതരണവും നടന്നു.
പ്രവാസി സമൂഹത്തിനിടയില് രാജ്യസ്നേഹവും ദേശീയബോധവും ശക്തിപ്പെടുത്തുന്നതിനൊപ്പം, സ്വാതന്ത്ര്യസമര സേനാനികളുടെ ത്യാഗങ്ങള് പുതുതലമുറയ്ക്ക് പകര്ന്നുനല്കേണ്ടതിന്റെ പ്രാധാന്യവും ഇരു ചടങ്ങുകളിലും മുഖ്യവിഷയമായി ഉയര്ന്നു വന്നു.
