മാഞ്ചസ്റ്റര്‍: യുകെയിലെ മാഞ്ചസ്റ്ററില്‍ മലയാളി നഴ്സിനെ വീട്ടിനുള്ളില്‍ മരിച്ച നിലയില്‍ കണ്ടെത്തി. റോയല്‍ മാഞ്ചസ്റ്റര്‍ ചില്‍ഡ്രന്‍സ് ഹോസ്പിറ്റലിലെ ജീവനക്കാരിയും തൃശൂര്‍ പീച്ചി പതിപ്പറമ്പില്‍ കുഞ്ഞുമോന്റെ മകളുമായ ഷൈമി പി.കെ. (28) ആണ് മരിച്ചത്.

രാത്രിയിലെ ഡ്യൂട്ടി കഴിഞ്ഞ് ഇന്നലെ രാവിലെ 8.05-ഓടെ ഭര്‍ത്താവ് ജോയല്‍ വീട്ടിലെത്തിയപ്പോഴാണ് ഷൈമിയെ മരിച്ച നിലയില്‍ കണ്ടത്. അന്നേദിവസം ഷൈമിക്കും ജോലിക്ക് പോകേണ്ടതുണ്ടായിരുന്നു. പഠനാവശ്യത്തിനായി യുകെയിലെത്തിയ ജോയലും ഷൈമിയും തമ്മില്‍ ഒരു വര്‍ഷം മുന്‍പാണ് വിവാഹിതരായത്. കുമളി അസംബ്ലീസ് ഓഫ് ഗോഡ് സഭാ ശുശ്രൂഷകന്‍ പാസ്റ്റര്‍ മോനി ചാക്കോ ജോര്‍ജിന്റെ മകനാണ് ജോയല്‍.

മരണകാരണം വ്യക്തമായിട്ടില്ല. പോസ്റ്റ്‌മോര്‍ട്ടം ഉള്‍പ്പെടെയുള്ള തുടര്‍നടപടികള്‍ക്ക് ശേഷം മാത്രമേ കൂടുതല്‍ വിവരങ്ങള്‍ ലഭ്യമാകൂ. മൃതദേഹം നാട്ടിലെത്തിക്കാനുള്ള ശ്രമങ്ങള്‍ നടന്നു വരികയാണ്. സംസ്‌കാര ചടങ്ങുകളുടെ തീയതിയും സമയവും പിന്നീട് അറിയിക്കും.