ജിദ്ദ: നേപ്പാളിലുണ്ടായ കനത്ത വെള്ളപ്പൊക്കത്തിലും ഉരുള്പൊട്ടലിലും ജീവന് പൊലിഞ്ഞവര്ക്ക് അനുശോചനം രേഖപ്പെടുത്തി സൗദി ഭരണാധികാരികള്. സൗദി ഭരണാധികാരി സല്മാന് രാജാവും കിരീടാവകാശി മുഹമ്മദ് ബിന് സല്മാന് രാജകുമാരനും നേപ്പാള് പ്രസിഡന്റ് രാം ചന്ദ്ര പൗഡലിന് പ്രത്യേക അനുശോചന സന്ദേശങ്ങള് അയച്ചു.
ദുരന്തത്തില് ജീവന് നഷ്ടപ്പെട്ടവരുടെ കുടുംബങ്ങളുടെയും നേപ്പാളിലെ ജനങ്ങളുടെയും ദുഃഖത്തില് പങ്കുചേരുന്നതായി സല്മാന് രാജാവ് സന്ദേശത്തില് വ്യക്തമാക്കി. കാണാതായവര് സുരക്ഷിതരായി തിരിച്ചെത്തട്ടെയെന്നും നേപ്പാളിന് ഇനി ഇത്തരം ദുരന്തങ്ങള് ഉണ്ടാകാതിരിക്കട്ടെയെന്നും അദ്ദേഹം ആശംസിച്ചു. കിരീടാവകാശി മുഹമ്മദ് ബിന് സല്മാന് രാജകുമാരനും നേപ്പാള് പ്രസിഡന്റിനെയും ജനങ്ങളെയും തന്റെ കടുത്ത ദുഃഖവും സഹതാപവും അറിയിക്കുകയും കാണാതായവര്ക്ക് വേണ്ടി പ്രാര്ത്ഥിക്കുകയും ചെയ്തു.
അതിനിടെ നേപ്പാളിലും അയല്രാജ്യമായ ചൈനയിലും പ്രകൃതിദുരന്തത്തിന്റെ വ്യാപ്തി വര്ധിച്ചുവരികയാണ്. ഇരു രാജ്യങ്ങളിലുമായി 675 ആളുകള് മരിക്കുകയും മൂവായിരത്തോളം പേരെ കാണാതാവുകയും ചെയ്തതായി പ്രാദേശിക ഉദ്യോഗസ്ഥരെയും മാധ്യമ റിപ്പോര്ട്ടുകളെയും ഉദ്ധരിച്ച് അധികൃതര് വ്യക്തമാക്കി.
Related News
