ജിദ്ദ: സൗദി അറേബ്യയുടെ സമുദ്രാതിര്‍ത്തിയില്‍ അനുമതിയില്ലാതെ മത്സ്യബന്ധനം നടത്തിയ മ്യാന്‍മര്‍ സ്വദേശിയെ ബോര്‍ഡര്‍ ഗാര്‍ഡ് തീരദേശ പട്രോളിംഗ് വിഭാഗം പിടികൂടി. മക്ക പ്രവിശ്യയിലെ ജിദ്ദ ഗവര്‍ണറേറ്റിലാണ് സംഭവം. സമുദ്ര മേഖലകളില്‍ വിവിധ പ്രവര്‍ത്തനങ്ങളില്‍ ഏര്‍പ്പെടുന്നവര്‍ പാലിക്കേണ്ട സുരക്ഷാ-നിയമ ചട്ടങ്ങള്‍ ലംഘിച്ചതിനാണ് നടപടി.
പിടിയിലായ പ്രവാസിക്കെതിരെ ബന്ധപ്പെട്ട അധികാരികളുമായി ഏകോപിപ്പിച്ച് ആവശ്യമായ നിയമനടപടികള്‍ സ്വീകരിച്ചതായി ബോര്‍ഡര്‍ ഗാര്‍ഡ് അറിയിച്ചു.
സമുദ്രജൈവ സമ്പത്തിന്റെ സംരക്ഷണവുമായി ബന്ധപ്പെട്ട നിയമങ്ങളും നിര്‍ദ്ദേശങ്ങളും എല്ലാവരും കര്‍ശനമായി പാലിക്കണമെന്ന് ബോര്‍ഡര്‍ ഗാര്‍ഡ് അഭ്യര്‍ഥിച്ചു. പരിസ്ഥിതിക്കോ വന്യജീവികള്‍ക്കോ നേരെയുള്ള ഏതൊരു അതിക്രമവും ശ്രദ്ധയില്‍പ്പെട്ടാല്‍ ഉടന്‍ റിപ്പോര്‍ട്ട് ചെയ്യണമെന്നും അധികൃതര്‍ അഭ്യര്‍ത്ഥിച്ചു.
മക്ക, മദീന, റിയാദ്, കിഴക്കന്‍ പ്രവിശ്യ എന്നിവിടങ്ങളില്‍ 911 എന്ന നമ്പറിലും രാജ്യത്തിന്റെ മറ്റ് ഭാഗങ്ങളില്‍ 994 എന്ന നമ്പറിലുമാണ് വിവരമറിയിക്കേണ്ടത്. വിവരം നല്‍കുന്നവരുടെ വിശദാംശങ്ങള്‍ പൂര്‍ണ്ണമായും രഹസ്യമായി സൂക്ഷിക്കുമെന്നും അവര്‍ക്ക് യാതൊരുവിധ നിയമപരമായ ബാധ്യതകളും ഉണ്ടായിരിക്കില്ലെന്നും ബോര്‍ഡര്‍ ഗാര്‍ഡ് വ്യക്തമാക്കി.
.jpg)
Related News
