​റിയാദ്: മലയാളി നഴ്‌സ് റിയാദിലെ നദീമിൽ നിര്യാതയായി.. കാസർകോട് വെള്ളരിക്കുണ്ട് പരപ്പ ബെരിക്കുളം സ്വദേശിനി ചിപ്പി രതീഷ് (36) ആണ് മരിച്ചത്. കഴിഞ്ഞ മൂന്ന് വർഷമായി നദീമിലെ സ്വകാര്യ ക്ലിനിക്കിൽ സ്റ്റാഫ് നഴ്‌സായി ജോലി ചെയ്തുവരികയായിരുന്നു.

​പരേതനായ കരിപ്പാടക്കത്ത് മധുവിന്റെയും സീതയുടെയും മകളാണ്. ഭർത്താവ്: രതീഷ് (ദക്ഷിണാഫ്രിക്കയിൽ പ്രവാസി). മരണവിവരമറിഞ്ഞ് ഭർത്താവ് നാട്ടിലെത്തിയിട്ടുണ്ട്. മക്കൾ: അനുനന്ദ കെ. രതീഷ് (പ്ലസ് വൺ വിദ്യാർഥി), ദിവ്യ രതീഷ് (മൂന്നാം ക്ലാസ് വിദ്യാർഥി). നിയമനടപടികൾ പൂർത്തിയാക്കി മൃതദേഹം നാട്ടിലെത്തിക്കാൻ കേളി കലാസാംസ്കാരിക വേദി ജീവകാരുണ്യ വിഭാഗം രംഗത്തുണ്ട്.