റിയാദ്: സൗദി അറേബ്യയുടെ ദേശീയ ദിനത്തോടനുബന്ധിച്ച് വാദീനൂര് സ്പെഷ്യല് ഉംറ-മദീന യാത്ര സംഘടിപ്പിച്ചു. അവധി ദിനമായതിനാല് സ്ത്രീകളും കുട്ടികളുമടക്കം നിരവധി പേര് യാത്രയില് പങ്കെടുത്തു.
ബുധനാഴ്ച രാവിലെ അഞ്ചു മണിക്ക് ശേഷം ബത്ഹയില് നിന്നും പുറപ്പെട്ട സംഘം ആദ്യം മദീന സന്ദര്ശനം നടത്തി. മസ്ജിദുല് ഖുബാ, ഉഹ്ദ് രക്തസാക്ഷി മണ്ഡപം, മസ്ജിദുന്നബവി എന്നിവ സന്ദര്ശിച്ച ശേഷം മിഖാതില് നിന്നും ഇഹ്റാം ചെയ്ത് പ്രസിദ്ധമായ ബദര് വഴി മക്കയില് എത്തി ഉംറ കര്മ്മം നിര്വഹിച്ചു. തുടര്ന്ന് വെള്ളിയാഴ്ച ജുമാ നമസ്കാരത്തിനു ശേഷം സംഘം റിയാദിലേക്ക് മടങ്ങി.
ഷക്കീര് ഫൈസി മണ്ണാര്ക്കാട് യാത്രയ്ക്ക് നേതൃത്വം നല്കി. യാത്രയിലുടനീളം പഠന ക്ലാസുകളും പ്രകീര്ത്തന കാവ്യങ്ങളും പ്രാര്ത്ഥനയും ഉണ്ടായിരുന്നു എന്നത് യാത്രയെ ഏറെ വിജ്ഞാനപ്രദമാക്കി. മടക്കയാത്രയില് അംഗങ്ങള്ക്ക് പരസ്പരം പരിചയപ്പെടാന് അവസരം നല്കിയത് പുതിയ സൗഹൃദ ബന്ധങ്ങള്ക്ക് വഴിയൊരുക്കി.
'സമസ്ത'യുടെ പ്രവാസി ഘടകമായ എസ്.ഐ.സിക്ക് കീഴിലാണ് വാദീനൂര് പ്രവര്ത്തിക്കുന്നത്. വര്ഷങ്ങളായി എല്ലാ ആഴ്ചയിലും ഉംറ, മദീന സന്ദര്ശനം എന്നിവ സംഘടിപ്പിച്ചു വരുന്നു.
.jpg)
Related News
