ജിദ്ദ: മാനവികതയുടെയും സാഹോദര്യത്തിന്റെയും മഹത്തായ സന്ദേശങ്ങള് ഉയര്ത്തിപ്പിടിച്ച് ഐ.സി.എഫ് ജിദ്ദ റീജിയന് സംഘടിപ്പിച്ച 'മീലാദ് ഹെറിറ്റേജ്' സാംസ്കാരിക സംഗമം ശ്രദ്ധേയമായി. പ്രവാചകന് മുഹമ്മദ് നബി (സ)യുടെ ജീവിതദര്ശനം മാനുഷിക മൂല്യങ്ങളുടെയും ധാര്മ്മിക ബോധത്തിന്റെയും അമൂല്യ സ്രോതസ്സാണെന്നും, പ്രത്യേകിച്ച് ഈ കാലഘട്ടത്തില് അവിടുത്തെ ജീവിതം മികച്ചൊരു വഴികാട്ടിയാണെന്നും സംഗമത്തില് പങ്കെടുത്തവര് അഭിപ്രായപ്പെട്ടു.
യഹ്യ ഖലീല് നൂറാനിയുടെ അധ്യക്ഷതയില് നടന്ന സംഗമം ഐ.സി.എഫ് നാഷണല് സെക്രട്ടറി സിറാജ് കുറ്റ്യാടി ഉദ്ഘാടനം ചെയ്തു. സയ്യിദ് സൈനുല് ആബിദീന് തങ്ങള്, ബഷീര് മാസ്റ്റര് പറവൂര്, ഹസ്സന് സഖാഫി, മുഹ്യിദ്ദീന് കുട്ടി സഖാഫി, അബു മിസ്ബാഹ് ഐക്കരപ്പടി, അബ്ദുള് കലാം അഹ്സാനി, അബ്ദുന്നാസര് അന്വരി, അബ്ദുള് ഖാദര് സഖാഫി തുടങ്ങിയവര് ചടങ്ങില് സംസാരിച്ചു. സയ്യിദ് സൈനുല് ആബിദീന് തങ്ങള് സ്വാഗതവും ഇബ്രാഹീം മുസ്ല്യാര് നന്ദിയും പറഞ്ഞു.
സംഗമത്തിന്റെ ഭാഗമായി ഡിവിഷന് തല മത്സരങ്ങളില് വിജയികളായവര് മാറ്റുരച്ച വിവിധ കലാപരിപാടികള് അരങ്ങേറി. പ്രവാചക ജീവിതം ഇതിവൃത്തമാക്കി നടത്തിയ മത്സരങ്ങളായിരുന്നു പരിപാടിയുടെ പ്രധാന ആകര്ഷണം. കലയും സാഹിത്യവും കേവലം വിനോദോപാധികളല്ലെന്നും, സമൂഹത്തെ നവീകരിക്കാനുള്ള ശക്തമായ ആയുധങ്ങളാണെന്നും സംഗമം ഓര്മ്മിപ്പിച്ചു. മുഹ്സിന് സഖാഫി, മന്സൂര് മാസ്റ്റര്, സയ്യിദ് മുഹമ്മദ് മാസ്റ്റര്, സിയാദ് ബീമാപ്പള്ളി, യാസര് അറഫാത്ത്, അബ്ദുള് റസാഖ് കൂത്തുപറമ്പ്, ഹനീഫ ബെര്ക്ക, സുജീര് പുത്തന്പള്ളി, സ്വാദിഖ് ചാലിയാര് തുടങ്ങിയവര് വിവിധ പരിപാടികള്ക്ക് നേതൃത്വം നല്കി.
ആവേശം വിതച്ച മത്സരങ്ങള്ക്കൊടുവില് അസീസിയ്യ ഡിവിഷന് ഒന്നാം സ്ഥാനം കരസ്ഥമാക്കിയപ്പോള്, ഖാലിദിയ്യ ഡിവിഷനും മുശ്രിഫ ഡിവിഷനും യഥാക്രമം രണ്ടും മൂന്നും സ്ഥാനങ്ങള് നേടി.
വൈകുന്നേരം നടന്ന സമാപന സംഗമത്തില് സിറാജ് കുറ്റ്യാടി, മുജീബ് എ.ആര്. നഗര്, ബഷീര് എറണാകുളം, ബഷീര് മാസ്റ്റര് പറവൂര് എന്നിവര് വിജയികള്ക്കുള്ള സമ്മാനങ്ങളും ട്രോഫികളും വിതരണം ചെയ്തു.
.jpg)
