റിയാദ്- മദീന, കിഴക്കന്‍ പ്രവിശ്യ എന്നിവിടങ്ങളിലേക്ക് ഹൂത്തി ഭീകരര്‍ തൊടുത്തുവിട്ട നാല് ഡ്രോണുകളും, കിഴക്കന്‍ മേഖലയിലേക്ക് അയച്ച മറ്റൊരു ഡ്രോണും വ്യോമപ്രതിരോധ സേന വിജയകരമായി തടയുകയും നശിപ്പിക്കുകയും ചെയ്തതായി യമനിലെ സഖ്യസേന വക്താവ് മേജര്‍ ജനറല്‍ തുര്‍ക്കി അല്‍-മാലിക്കി ഇന്ന് അറിയിച്ചു.

ഇന്നലെ റിയാദിന് നേരെ ബാലിസ്റ്റിക് മിസൈല്‍ തൊടുത്തുവിട്ട ഹൂത്തി മിലിഷ്യയുടെ ലോഞ്ച് പാഡ് സഖ്യസേന കണ്ടെത്തി തകര്‍ക്കുന്നതിന്റെ ദൃശ്യങ്ങളും വക്താവ് പുറത്തുവിട്ടു. ഭീകരരുടെ ഇത്തരം നീക്കങ്ങളെ കര്‍ശനമായി പ്രതിരോധിക്കുമെന്നും സഖ്യസേന വ്യക്തമാക്കി.