ജിദ്ദ- സ്വകാര്യ കമ്പനിയുടെ ഉടമസ്ഥതയിലുള്ള താല്‍ക്കാലിക ജലസംഭരണി നിലംപതിച്ച് തകര്‍ന്നു. ടാങ്ക് അബദ്ധത്തില്‍ നിലത്തുവീഴുകയും തുടര്‍ന്ന് വലിയ അളവില്‍ വെള്ളം റോഡിലേക്കും മറ്റും കുതിച്ചൊഴുകുകയും ചെയ്യുകയായിരുന്നു.
സംഭവമറിഞ്ഞ ഉടന്‍ തന്നെ ജിദ്ദയിലെ സിവില്‍ ഡിഫന്‍സ് സംഘം സ്ഥലത്തെത്തി ആവശ്യമായ സുരക്ഷാ നടപടികള്‍ സ്വീകരിച്ചു. അപകടത്തില്‍ ആര്‍ക്കും പരിക്കുകളോ മറ്റ് ജീവഹാനിയോ സംഭവിച്ചിട്ടില്ലെന്ന് അധികൃതര്‍ വ്യക്തമാക്കി.
വെള്ളം പൂര്‍ണ്ണമായും നീക്കം ചെയ്യുന്നതിനുള്ള ഡ്രെയിനേജ് പ്രവര്‍ത്തനങ്ങളും പ്രദേശത്തിന്റെ സുരക്ഷ ഉറപ്പാക്കാനുള്ള നടപടികളും ഫീല്‍ഡ് ടീമുകള്‍ ഉടന്‍ തന്നെ പൂര്‍ത്തിയാക്കി. വെള്ളം ശക്തമായി ഒഴുകിയതിനെ തുടര്‍ന്ന് സമീപത്തുണ്ടായിരുന്ന ചില വാഹനങ്ങള്‍ക്ക് സംഭവിച്ച നാശനഷ്ടങ്ങളുടെ കണക്കെടുപ്പ് നടന്നുവരികയാണ്.
Related News
