ദമ്മാം: സൗദി കിഴക്കന്‍ പ്രവിശ്യയില്‍ കഴിഞ്ഞ ഒന്നര മാസക്കാലമായി കായികപ്രേമികളില്‍ ആവേശത്തിരയിളക്കിയ 'എച്ച്.എം.ആര്‍ - മാഡ്രിഡ് സോക്കര്‍ 2026' ഫുട്‌ബോള്‍ ടൂര്‍ണമെന്റിന് ഉജ്ജ്വല സമാപനം. വാശിയേറിയ പോരാട്ടങ്ങള്‍ക്കൊടുവില്‍ സീനിയര്‍ വിഭാഗത്തില്‍ പസഫിക് ലോജിസ്റ്റിക് ബദര്‍ എഫ്.സിയും, അണ്ടര്‍-16 വിഭാഗത്തില്‍ ഫോക്കോ സോക്കര്‍ അക്കാദമിയും ചാമ്പ്യന്മാരായി. ദമ്മാം ഇന്ത്യന്‍ ഫുട്‌ബോള്‍ അസോസിയേഷന്റെ (DIFA) സഹകരണത്തോടെ ദമ്മാം മാഡ്രിഡ് എഫ്.സിയാണ് ടൂര്‍ണമെന്റ് സംഘടിപ്പിച്ചത്.
സീനിയര്‍ വിഭാഗം ഫൈനല്‍ പോരാട്ടത്തില്‍ ഒന്നിനെതിരെ രണ്ട് ഗോളുകള്‍ക്ക് എഫ്.സി ദമ്മാമിനെ കീഴടക്കിയാണ് ബദര്‍ എഫ്.സി കിരീടത്തില്‍ മുത്തമിട്ടത്. അണ്ടര്‍-16 വിഭാഗം കലാശക്കളിയില്‍ ഗ്രാസ് റൂട്ട് അക്കാദമിയെ മറുപടിയില്ലാത്ത രണ്ട് ഗോളുകള്‍ക്ക് തകര്‍ത്താണ് ഫോക്കോ സോക്കര്‍ അക്കാദമി ചാമ്പ്യന്മാരായത്.
ടൂര്‍ണമെന്റിലെ വ്യക്തിഗത അവാര്‍ഡുകള്‍:
സീനിയര്‍ വിഭാഗം: പ്ലെയര്‍ ഓഫ് ദി മാച്ച്: ഷെഫിന്‍ (ബദര്‍ എഫ്.സി), മികച്ച താരം: ഷെഫിന്‍ (ബദര്‍ എഫ്.സി), ടോപ് സ്‌കോറര്‍: ഷിഫിന്‍ (കോര്‍ണിഷ് സോക്കര്‍ ക്ലബ്ബ്), മികച്ച ഗോള്‍കീപ്പര്‍: സാഹിര്‍ (എഫ്.സി ദമ്മാം), മികച്ച ഡിഫെന്‍ഡര്‍: ജംഷീര്‍ മാനു (ക്യാപ്റ്റന്‍, എഫ്.സി ദമ്മാം).
അണ്ടര്‍-16 വിഭാഗം: പ്ലെയര്‍ ഓഫ് ദി മാച്ച്: അക്രം സിദ്ധീഖി (ഫോക്കോ അക്കാദമി), മികച്ച താരം: ഹിഷാം അന്‍ഷിദ് (ക്യാപ്റ്റന്‍, ഫോക്കോ), മികച്ച ഡിഫെന്‍ഡര്‍: മുഹമ്മദ് ഫാദില്‍ (ഫോക്കോ അക്കാദമി), മികച്ച ഗോള്‍കീപ്പര്‍: അനിരുദ്ധ് (ഗ്രാസ് റൂട്ട് അക്കാദമി).
കിഴക്കന്‍ പ്രവിശ്യയിലെ സാമൂഹിക പ്രവര്‍ത്തകന്‍ നാസ് വക്കം മുഖ്യഅതിഥിയായ ചടങ്ങില്‍ വിജയികള്‍ക്കുള്ള ട്രോഫികളും പുരസ്‌കാരങ്ങളും ടൂര്‍ണമെന്റ് ടൈറ്റില്‍ സ്‌പോണ്‍സറായ എച്ച്.എം.ആര്‍ കമ്പനി മാനേജിങ് ഡയറക്ടര്‍ നൗഫല്‍ കാസര്‍ഗോഡ്, പ്രതിനിധി അജ്മല്‍ മണ്ണാര്‍ക്കാട്, ഡിഫ പ്രസിഡന്റ് ഷമീര്‍ കൊടിയത്തൂര്‍, ഹാരിസ് (എ.ആര്‍ എന്‍ജിനീയറിങ്), മഹറൂഫ് (നഹ്ല അല്‍ വാദി), റോയ്‌സന്‍ കൊക്കാടന്‍ (ജയ് മസാല), ഷമീര്‍ (ടീ ടൈം), അഫ്‌സല്‍ (സെറ്റെക്‌സ്), നാസര്‍ (ഗ്ലോബ് ലോജിസ്റ്റിക്‌സ്), സല്‍മ ഷറഫുദ്ധീന്‍ (ബ്രില്യന്റ് ഇന്റര്‍നാഷണല്‍ സ്‌കൂള്‍) എന്നിവര്‍ ചേര്‍ന്ന് വിതരണം ചെയ്തു.
ചടങ്ങില്‍ കിഴക്കന്‍ പ്രവിശ്യയിലെ സാമൂഹിക-സാംസ്‌കാരിക രംഗത്തെ പ്രമുഖരായ ഒ.പി. ഹബീബ്, അബ്ദുസ്സലാം ജാംജൂം, സാദിക്ക് എറണാകുളം, നാസര്‍ കൊണ്ടോട്ടി, ഡിഫ ഭാരവാഹികളായ സക്കീര്‍ വള്ളക്കടവ്, ഷംസു മാനു, റിയാസ് പറളി, റാസിക് വള്ളിക്കുന്ന്, അന്‍വര്‍ അനസ് മാള തുടങ്ങിയവര്‍ സംബന്ധിച്ചു.
ടൂര്‍ണമെന്റ് കമ്മിറ്റി ഭാരവാഹികളായ യൂസുഫ് ചേറൂര്‍, സഹീര്‍ മജ്ദാല്‍, ഷഫീര്‍ മണലോടി, നാസര്‍ വെള്ളിയത്ത്, ലുക്മാനുല്‍ ഹക്കീം, ഹാരിസ് നീലേശ്വരം, ഷുക്കൂര്‍ ആലുങ്ങല്‍, അദ്‌നാന്‍ വെള്ളേരിക്കല്‍, അനസ് കൊടുവള്ളി, കരീം വേങ്ങര, റിയാസ് മമ്പാട്, അമീന്‍ കണ്ണൂര്‍, ജാബിര്‍ വള്ളിക്കുന്ന്, ഹസ്സന്‍ മങ്കര, നൗഫല്‍, അഷ്റഫ് ഓമശ്ശേരി, മുനീര്‍ താനാളൂര്‍, സമദ് മേലാറ്റൂര്‍ തുടങ്ങിയവര്‍ മത്സരങ്ങള്‍ക്കും പരിപാടികള്‍ക്കും നേതൃത്വം നല്‍കി.
