ഹൂതി താവളങ്ങള്‍ക്ക് നേരെ സഖ്യസേനയുടെ തിരിച്ചടി, മിസൈലും ഡ്രോണും വീഴ്ത്തി
റിയാദ്: സൗദി അറേബ്യ, യമന്‍ എന്നിവടങ്ങളിലെ സുരക്ഷക്കും ചെങ്കടലിലെ അന്താരാഷ്ട്ര കപ്പല്‍ ഗതാഗതത്തിനും ഭീഷണി ഉയര്‍ത്തുന്ന ഹൂതി തീവ്രവാദികളുടെ പ്രധാന സൈനിക താവളങ്ങളും വിഭവങ്ങളും ലക്ഷ്യമാക്കി സഖ്യസേന ശക്തമായ സൈനിക തിരിച്ചടി നടത്തി. സഖ്യസേനയുടെ വക്താവ് മേജര്‍ ജനറല്‍ തുര്‍ക്കി അല്‍-മാലികിയാണ് സൈനിക നടപടിയെക്കുറിച്ചുള്ള വിവരങ്ങള്‍ അറിയിച്ചത്.
ബാലിസ്റ്റിക് മിസൈലുകളും ഡ്രോണുകളും നിര്‍മ്മിക്കുന്നതിനും ഉപയോഗിക്കുന്നതിനുമായി ഹൂതികള്‍ പ്രധാന വിഭവങ്ങള്‍ ചൂഷണം ചെയ്യുന്നത് ചെറുക്കുന്നതിനാണ് ഈ ഗുണനിലവാരമുള്ള സൈനിക ഓപ്പറേഷന്‍ നടത്തിയത്. ജനവാസ മേഖലകള്‍ക്കും സിവിലിയന്‍ സ്ഥാപനങ്ങള്‍ക്കും നേരെ ആക്രമണം നടത്താന്‍ ഈ സംവിധാനങ്ങള്‍ ഉപയോഗിക്കുന്നത് തടയാന്‍ സഖ്യസേന പ്രതിജ്ഞാബദ്ധമാണെന്ന് അദ്ദേഹം വ്യക്തമാക്കി. അധിനിവേശത്തില്‍ നിന്നും ഭീകരപ്രവര്‍ത്തനങ്ങളില്‍നിന്നു ഹൂതികള്‍ പിന്മാറിയില്ലെങ്കില്‍ അതിന്റെ ഗുരുതരമായ
അതേസമയം, സൗദിയുടെ തെക്കന്‍ മേഖല ലക്ഷ്യമാക്കി ഹൂതികള്‍ തൊടുത്തുവിട്ട ഒരു ബാലിസ്റ്റിക് മിസൈലും ഒരു ഡ്രോണും സൗദി വ്യോമപ്രതിരോധ സേന വിജയകരമായി തടഞ്ഞു തകര്‍ത്തതായും വക്താവ് കൂട്ടിച്ചേര്‍ത്തു.
Related News
