മക്ക: മക്ക പ്രവിശ്യയിലെ പാസ്പോര്‍ട്ട് ട്രെയിനിംഗ് സെന്ററില്‍ നടന്ന ചടങ്ങില്‍, സര്‍വീസിലുള്ള വനിതാ ജീവനക്കാര്‍ക്കായുള്ള രണ്ടാമത്തെ ബേസിക് ഇന്‍ഡിവിജ്വല്‍ ക്വാളിഫിക്കേഷന്‍ കോഴ്‌സ് പൂര്‍ത്തിയാക്കിയ 69 വനിതാ റിക്രൂട്ടുകളുടെ ബിരുദദാന ചടങ്ങ് നടന്നു. ഹ്യൂമന്‍ റിസോഴ്സ് വിഭാഗം അസിസ്റ്റന്റ് ഡയറക്ടര്‍ ജനറല്‍ ഓഫ് പാസ്പോര്‍ട്ട്‌സ് മേജര്‍ ജനറല്‍ അബ്ദുള്ള ബിന്‍ ഇബ്രാഹിം അല്‍ ഫൗസാന്‍ ചടങ്ങില്‍ പങ്കെടുത്തു.
പൗരന്മാര്‍ക്കും രാജ്യത്തുള്ള വിദേശികള്‍ക്കും സന്ദര്‍ശകര്‍ക്കും മികച്ചതും വേഗത്തിലുള്ളതുമായ സേവനങ്ങള്‍ ഉറപ്പാക്കുന്നതിന് ജീവനക്കാരുടെ സജ്ജത വര്‍ദ്ധിപ്പിക്കുകയാണ് പരിശീലനത്തിലൂടെ ലക്ഷ്യമിടുന്നത്. അംഗീകൃത നിയമങ്ങള്‍, സേവന നടപടിക്രമങ്ങള്‍, പാസ്പോര്‍ട്ട് ജോലികളുടെ സൈദ്ധാന്തികവും പ്രായോഗികവുമായ വശങ്ങള്‍ എന്നിവയിലാണ് ബിരുദധാരികള്‍ക്ക് പ്രത്യേക പരിശീലനം നല്‍കിയത്.
Related News
