തൃശ്ശൂര്‍: വേള്‍ഡ് മലയാളി കൗണ്‍സില്‍ വള്ളുവനാട് പ്രോവിന്‍സ് തൃശ്ശൂര്‍ ചാപ്റ്ററിന്റെയും ശ്രീനാദം മ്യൂസിക് ആന്‍ഡ് പെര്‍ഫോമേഴ്‌സ് ക്ലബ്ബിന്റെയും സംയുക്താഭിമുഖ്യത്തില്‍ കേരളപ്പിറവി ദിനാഘോഷം സംഘടിപ്പിച്ചു. തൃശ്ശൂര്‍ സാഹിത്യ അക്കാദമിയിലെ ചങ്ങമ്പുഴ ഹാളില്‍ നടന്ന പരിപാടിയില്‍ വേള്‍ഡ് മലയാളി കൗണ്‍സില്‍ ഇന്ത്യ റീജിയണ്‍ (RNEC) ഭാരവാഹി രാമചന്ദ്രന്‍ എന്‍.പി. അധ്യക്ഷത വഹിച്ചു.
വള്ളുവനാട് പ്രോവിന്‍സ് ജനറല്‍ സെക്രട്ടറി (ഇന്‍ ചാര്‍ജ്) അച്യുതാനന്ദന്‍ ടി., പ്രൊഫസര്‍ മോഹനന്‍, ബഷീര്‍ എന്നിവര്‍ ആശംസകള്‍ നേര്‍ന്നു. വേള്‍ഡ് മലയാളി കൗണ്‍സില്‍ തൃശ്ശൂര്‍ ചാപ്റ്റര്‍ ജനറല്‍ സെക്രട്ടറി അഡ്വ. ശ്രീകുമാര്‍ പ്ലാക്കാട്ട് സ്വാഗതവും ട്രഷറര്‍ ജോജോ വര്‍ക്കി നന്ദിയും പറഞ്ഞു.
ചടങ്ങില്‍ ആറ്റൂര്‍ സന്തോഷ് കുമാര്‍ എഴുതിയ 'മാധവിക്കുട്ടിയുടെ ചായക്കട' എന്ന ചെറുകഥാ സമാഹാരത്തിന്റെ പുസ്തകലപ്രകാശനം ഗ്രാമപ്രകാശ്, ഡോക്ടര്‍ നീരജയ്ക്ക് നല്‍കി നിര്‍വ്വഹിച്ചു. തുടര്‍ന്ന് തിരുവാതിരക്കളി, നൃത്തസന്ധ്യ എന്നിവയോടെ കേരളപ്പിറവി ദിനാഘോഷം പ്രൗഢഗംഭീരമായി സമാപിച്ചു.
