ഏദന്‍: യമനിലെ ലാഹിജ് ഗവര്‍ണറേറ്റിലുള്ള അല്‍-മുദറബ ജില്ലയിലെ അല്‍-സാഖിയ ഹെല്‍ത്ത് സെന്ററിന് നേരെ ഹൂതി ഭീകരര്‍ ബാലിസ്റ്റിക് മിസൈല്‍ ആക്രമണം നടത്തി. യമന്‍ പൊതുജനാരോഗ്യ മന്ത്രാലയത്തിന്റെ പ്രാഥമിക കണക്കുകള്‍ പ്രകാരം ആക്രമണത്തില്‍ മെഡിക്കല്‍ ജീവനക്കാര്‍ അടക്കം അഞ്ച് പേര്‍ കൊല്ലപ്പെടുകയും 15 പേര്‍ക്ക് പരിക്കേല്‍ക്കുകയും ചെയ്തു.
ആശുപത്രികള്‍ക്കും മെഡിക്കല്‍ ജീവനക്കാര്‍ക്കും പ്രത്യേക സംരക്ഷണം നല്‍കുന്ന അന്താരാഷ്ട്ര മാനുഷിക നിയമങ്ങളെ പൂര്‍ണ്ണമായും ലംഘിച്ചുകൊണ്ടാണ് സിവിലിയന്‍ കേന്ദ്രങ്ങള്‍ക്ക് നേരെ ഹൂതികള്‍ വീണ്ടും ആക്രമണം നടത്തിയിരിക്കുന്നത്. അന്താരാഷ്ട്ര നിയമങ്ങളെ കാറ്റില്‍പ്പറത്തി സാധാരണക്കാരെയും ആരോഗ്യ മേഖലയെയും ലക്ഷ്യമിടുന്ന ഹൂതികളുടെ ക്രൂരമായ സമീപനത്തിന്റെ തുടര്‍ച്ചയാണിത്.
അതേസമയം, ഭീഷണിയുടെ ഉറവിടങ്ങള്‍ നിര്‍വീര്യമാക്കുന്നതിനും ഹൂതികളുടെ ബാലിസ്റ്റിക് മിസൈല്‍ ശേഷികള്‍ തകര്‍ത്തുകൊണ്ട് ശക്തമായ തിരിച്ചടി നല്‍കുന്നതിനുമായി കര്‍ശനമായ സൈനിക നടപടികള്‍ ആരംഭിച്ചതായി യമന്‍ സായുധ സേനയുടെ ഔദ്യോഗിക വക്താവ് സ്ഥിരീകരിച്ചു.
Related News
