​
​സബിയ: സൗദി കെ.എം.സി.സി നാഷണൽ കമ്മിറ്റിയുടെ കീഴിൽ നടന്നു വരുന്ന സാമൂഹിക സുരക്ഷാ പദ്ധതിയുടെ ജിസാൻ - സബിയ ഏരിയ അംഗത്വ കാമ്പയിൻ സെൻട്രൽ കമ്മിറ്റി പ്രസിഡന്റ് ഷംസു പൂക്കോട്ടൂർ ഉദ്ഘാടനം ചെയ്തു.
​പ്രവാസികൾക്കുവേണ്ടി നാഷണൽ കമ്മിറ്റി നടപ്പിലാക്കി വരുന്ന ഒരു പരസ്പര സഹായ പദ്ധതിയാണിത്. നിരവധി പ്രവാസികൾക്ക് ചികിത്സാ സഹായമായും, മരണപ്പെട്ട പ്രവാസികളുടെ ആശ്രിതർക്കുള്ള ധനസഹായമായും ഓരോ വർഷവും വൻ തുക ഫണ്ടായി നൽകി വരുന്നുണ്ട്.
​ഈ വർഷത്തെ അംഗത്വ കാമ്പയിൻ 2026 ഡിസംബർ 15-ന് അവസാനിക്കും. നിലവിലുള്ള അംഗത്വം പുതുക്കലും പുതിയ അംഗങ്ങളെ ചേർക്കലും കൂടുതൽ ഊർജിതമാക്കുന്നതിനും, പരമാവധി പ്രവാസികളെ ഈ പദ്ധതിയുടെ ഭാഗമാക്കുന്നതിനുള്ള പ്രവർത്തനങ്ങൾ യോഗത്തിൽ ചർച്ച ചെയ്തു.
​'KMCC KSA' മൊബൈൽ ആപ്പ് വഴിയുള്ള അംഗത്വ കാമ്പയിൻ കൂടുതൽ ജനകീയമാക്കുന്നതിനും, പ്രവാസികൾക്ക് ആവശ്യമായ സഹായങ്ങളും മാർഗനിർദേശങ്ങളും ലഭ്യമാക്കുന്നതിനും യോഗം പ്രത്യേക പ്രാധാന്യം നൽകി.
​ചടങ്ങിൽ ഡോ. മൻസൂർ നാലകത്ത്, സാദിഖ് മാസ്റ്റർ, പീച്ചി കുഞ്ഞി മുഹമ്മദ്, ആരിഫ് ഒതുക്കുങ്ങൽ, സാൻഫർ കാവനൂർ, ഷബീർ താന്നിക്കൽ, ബഷീർ ഫറോക്ക്, സാലിം നെച്ചിയിൽ, അഫ്സൽ കാട്ടേകാടൻ എന്നിവർ പങ്കെടുത്തു.