കൊച്ചി: അനീതിയുടെ കാലത്തിന്, യുവതയുടെ തിരുത്ത് എന്ന പ്രമേയവുമായി മുസ്ലിം യൂത്ത് ലീഗ് സംസ്ഥാന സമ്മേളനം നവംബര്‍ 6,7,8 തീയ്യതികളില്‍ എറണാകുളത്ത് നടക്കും. സംസ്ഥാന സമ്മേളനത്തിന്റെ ഭാഗമായി പ്രതിനിധി സമ്മേളനം, പ്രകടനം, പൊതുസമ്മേളനം തുടങ്ങിയവ സംഘടിപ്പിക്കും. കേരളത്തിലുടനീളം നടത്തിയ അംഗത്വ വിതരണ ക്യാമ്പയിനിന്റെ ഭാഗമായി പുതിയ ശാഖ, പഞ്ചായത്ത്, മണ്ഡലം, ജില്ല കമ്മറ്റികള്‍ നിലവില്‍ വന്നതിന് ശേഷമാണ് സംസ്ഥാന സമ്മേളനം. 24 വര്‍ഷങ്ങള്‍ക്ക് ശേഷമാണ് എറണാകുളം സംസ്ഥാന സമ്മേളനത്തിന് വേദിയാകുന്നത്.

സമ്മേളന പരിപാടികള്‍

1. നവംബര്‍ 6 (വെള്ളി) - പതാക ഉയര്‍ത്തലും സെമിനാറും
ഉച്ചയ്ക്ക് 3:00 (എറണാകുളം ടൗണ്‍ഹാള്‍): യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങള്‍ പതാക ഉയര്‍ത്തും.

സെമിനാര്‍: 'ഫാസിസം, വര്‍ഗീയത, ഭരണകൂടം - തിരുത്ത്' എന്ന വിഷയത്തില്‍ നടക്കുന്ന സെമിനാര്‍ മുസ്ലിം ലീഗ് അഖിലേന്ത്യാ ഓര്‍ഗനൈസിംഗ് സെക്രട്ടറി ഇ.ടി. മുഹമ്മദ് ബഷീര്‍ എം.പി ഉദ്ഘാടനം ചെയ്യും.

പങ്കെടുക്കുന്നവര്‍/സംവദിക്കുന്നവര്‍: എം. വിജിന്‍ എം.എല്‍.എ (DYFI), ജിന്റോ ജോണ്‍ (കോണ്‍ഗ്രസ്), വിഷ്ണു മോഹന്‍ എം.എല്‍.എ (RYF), അഡ്വ. ഷിബു മീരാന്‍ (മുസ്ലിം യൂത്ത് ലീഗ്) തുടങ്ങിയവര്‍.

2. നവംബര്‍ 7 (ശനി) - പ്രതിനിധി സമ്മേളനം
സമയം: രാവിലെ 9:30-ന് രജിസ്‌ട്രേഷന്‍, 10:00-ന് ഉദ്ഘാടനം.

ഉദ്ഘാടനം: ഡോ. എം.കെ. മുനീര്‍ (ഭരണ പരിഷ്‌കാര കമ്മീഷന്‍ ചെയര്‍മാന്‍).

മുഖ്യാതിഥി & പ്രഭാഷകര്‍: ശ്വേത ഭട്ട് (മുഖ്യാതിഥി), പി.എം.എ. സലാം, ടി.എ. അഹമ്മദ് കബീര്‍.

വിവിധ സെഷനുകളും പ്രഭാഷകരും:

സെഷന്‍ 1 (11:30): അപരവത്കരണത്തിന്റെ ഇന്ത്യന്‍ വര്‍ത്തമാനം - ഡോ. ടി.എസ്. ശ്യാംകുമാര്‍.

സെഷന്‍ 2 (12:00): സമരവും കവിതയും - രമേഷ് കാവില്‍.

സെഷന്‍ 3 (12:30): ഒറ്റ തെരഞ്ഞെടുപ്പും ഫെഡറലിസവും - പി.എം. സാദിഖലി.

സെഷന്‍ 4 (02:00): സമര കാഹളം - അഡ്വ. വി.കെ. ഫൈസല്‍ ബാബു എം.എല്‍.എ, ടി.പി. അഷ്റഫലി എം.എല്‍.എ, പി.കെ. നവാസ് എം.എല്‍.എ.

സെഷന്‍ 5 (02:30): ജെന്‍ സി ഇന്ത്യ - ഡാനിഷ് അലി (JNU സ്റ്റുഡന്റ് യൂണിയന്‍ സെക്രട്ടറി).

സെഷന്‍ 6 (03:00): ഭരണഘടനാ മൂല്യവും ജനാധിപത്യ പ്രതിരോധവും - ജസ്റ്റിസ് കുര്യന്‍ ജോസഫ്, പി.ഡി.റ്റി. ആചാരി, അഡ്വ. ഹാരിസ് ബീരാന്‍ എം.പി.

സെഷന്‍ 7 (04:00): ഫ്യൂച്ചര്‍ കേരളം - മന്ത്രിമാരായ കെ.എം. ഷാജി, അഡ്വ. എന്‍. ഷംസുദ്ധീന്‍, പി.കെ. ബഷീര്‍, അഡ്വ. വി.ഇ. അബ്ദുള്‍ ഗഫൂര്‍.

സെഷന്‍ 8 (05:00): വിമര്‍ശനവും പൗരബോധവും - ഒ.ജെ. ജനീഷ് (കായിക മന്ത്രി), രമേഷ് പിഷാരടി എം.എല്‍.എ.

സെഷന്‍ 9 (06:00): അനീതിയുടെ കാലത്ത് ഇരകളുടെ വര്‍ത്തമാനം - ആസിഫ് മുജ്തബ, സി.കെ. സുബൈര്‍.

3. നവംബര്‍ 8 (ഞായര്‍) - റാലിയും സമാപന പൊതുസമ്മേളനവും

വൈകീട്ട് 3:00: കലൂര്‍ സ്റ്റേഡിയം പരിസരത്ത് നിന്ന് പ്രകടനവും വൈറ്റ് ഗാര്‍ഡ് പരേഡും ആരംഭിക്കും.

വൈകീട്ട് 5:00 (മറൈന്‍ ഡ്രൈവ്): സമാപന പൊതുസമ്മേളനം.

പ്രത്യേകതകള്‍:

രാജ്യതലസ്ഥാനത്ത് നടക്കുന്ന ജന്തര്‍മന്തര്‍ സമരത്തിനുള്ള ഐക്യദാര്‍ഢ്യമായി എറണാകുളത്ത് രാജ്യത്തെ ഏറ്റവും വലിയ 'ജന്തര്‍ മന്തര്‍ സ്‌ക്വയര്‍' ഒരുക്കും.

വോട്ടര്‍ പട്ടിക തിരിമറി ആരോപച്ച് തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ടും കേന്ദ്ര നയങ്ങള്‍ക്കെതിരെയുമാണ് സമരം.

സംസ്ഥാനത്തിന്റെ വിവിധ ഭാഗങ്ങളില്‍ നിന്നായി 5 ലക്ഷം പ്രവര്‍ത്തകര്‍ പങ്കാളികളാകും.

ഉദ്ഘാടനം: പാണക്കാട് സയ്യിദ് സാദിഖലി ശിഹാബ് തങ്ങള്‍.

മുഖ്യാതിഥികള്‍/പ്രധാന പ്രസംഗകര്‍:

വി.ഡി. സതീശന്‍ (കേരള മുഖ്യമന്ത്രി) - മുഖ്യാതിഥി

പ്രിയാങ്ക് എം. ഖാര്‍ഗെ (കര്‍ണാടക ആഭ്യന്തര മന്ത്രി) - മുഖ്യപ്രഭാഷണം

പി.കെ. കുഞ്ഞാലിക്കുട്ടി (വ്യവസായ-ഐ.ടി മന്ത്രി)

രമേശ് ചെന്നിത്തല (ആഭ്യന്തര മന്ത്രി)

ഇ.ടി. മുഹമ്മദ് ബഷീര്‍ എം.പി, പി.വി. അബ്ദുല്‍ വഹാബ് എം.പി, എം.പി. അബ്ദുസമദ് സമദാനി എം.പി, കെ.പി.എ. മജീദ്, പി.എം.എ. സലാം, പാണക്കാട് കുടുംബാംഗങ്ങള്‍, ലീഗ് സംസ്ഥാന ഭാരവാഹികള്‍, എം.എല്‍.എമാര്‍ എന്നിവര്‍ പ്രസംഗിക്കും.