​ജിദ്ദ: ദീർഘകാലത്തെ പ്രവാസത്തിന് വിരാമമിട്ട് ജന്മനാട്ടിലേക്ക് മടങ്ങുന്ന ഒ.ഐ.സി.സി. ജിദ്ദ റീജിയണൽ കമ്മിറ്റി നിർവാഹക സമിതി അംഗവും സാമൂഹിക പ്രവർത്തകനുമായ കുഞ്ഞിമൊയ്തീൻ പൂക്കാട്ടിലിന് (കുഞ്ഞാൻ പൂക്കാട്ടിൽ) ഒ.ഐ.സി.സി. ജിദ്ദ മലപ്പുറം മുനിസിപ്പൽ കമ്മിറ്റി യാത്രയയപ്പ് നൽകി. യാത്രയയപ്പ് യോഗത്തിൽ ഒ.ഐ.സി.സി. നേതാക്കളായ ഹക്കീം പാറക്കൽ, അസ്ഹാബ് വർക്കല, ഷരീഫ് അറക്കൽ, ഷൗക്കത്ത് പരപ്പനങ്ങാടി, അബ്ദുൽ ഖാദർ ആലുവ, സമീർ കാളികാവ്, എം.ടി. ഗഫൂർ, നൗഷാദ് കാപ്പാടൻ, മൗഷ്മി ഷരീഫ്, സിമി അബ്ദുൽ ഖാദർ, ജാൻസി മോഹൻ, സുഹ്‌റ ഷൗക്കത്ത്, ഷിറിൻ പരി എന്നിവർ സംസാരിച്ചു. ബാബു മേൽമുറി ഉപഹാരസമർപ്പണം നടത്തി. സുനീർ ബാബു സ്വാഗതവും ടി.കെ. ബഷീർ നന്ദിയും പറഞ്ഞു.