ദോഹ/വാഷിംഗ്ടണ്‍: പശ്ചിമേഷ്യയിലെ യുദ്ധസമാനമായ അന്തരീക്ഷത്തിന് അയവുവരുത്താന്‍ മധ്യസ്ഥനായി വീണ്ടും ഖത്തര്‍. മേഖലയിലെ പ്രതിസന്ധികള്‍ക്ക് പരിഹാരം കാണുന്നതിനായുള്ള നിര്‍ണ്ണായക നയതന്ത്ര നീക്കങ്ങളുടെ ഭാഗമായി ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍ ഥാനിയും യുഎസ് പ്രസിഡന്റ് ഡൊണാള്‍ഡ് ട്രംപും തമ്മില്‍ ടെലിഫോണ്‍ സംഭാഷണം നടത്തി.
അതേസമയം, ആണവ കരാറുമായി ബന്ധപ്പെട്ട തങ്ങളുടെ പുതിയ നിര്‍ദ്ദേശം ഖത്തര്‍ മുഖേന അമേരിക്കയ്ക്ക് കൈമാറിയതായി മുതിര്‍ന്ന ഇറാനിയന്‍ ഉദ്യോഗസ്ഥന്‍ വ്യക്തമാക്കി. എന്നാല്‍ വാഷിംഗ്ടണ്‍ ഏഴ് പ്രധാന ഇറാനിയന്‍ വ്യവസ്ഥകള്‍ അംഗീകരിക്കുന്നതുവരെ ഈ നിര്‍ദ്ദേശത്തില്‍ തുടര്‍ന്നുള്ള ചര്‍ച്ചകള്‍ നടക്കില്ലെന്നും അദ്ദേഹം അറിയിച്ചു. നിലവില്‍ ഇറാന്‍ കൈമാറിയ നിര്‍ദ്ദേശം വാഷിംഗ്ടണ്‍ പരിശോധിച്ചുവരികയാണ്.
യുഎസ് ഉപരോധങ്ങള്‍ പിന്‍വലിക്കുക, മരവിപ്പിച്ച ഇറാനിയന്‍ ആസ്തികള്‍ വിട്ടുകൊടുക്കുക, യുദ്ധനഷ്ടപരിഹാരം നല്‍കുക തുടങ്ങിയ ആവശ്യങ്ങളാണ് ഇറാന്‍ പ്രധാനമായും മുന്നോട്ടുവെച്ചിരിക്കുന്നത്. എന്നാല്‍ ഏതൊരു പ്രാഥമിക ചര്‍ച്ചകളുടെയും ഭാഗമായി ആണവ വിഷയങ്ങള്‍ ഉള്‍പ്പെടുത്തണമെന്ന നിലപാടില്‍ ഉറച്ചുനില്‍ക്കുകയാണ് വാഷിംഗ്ടണ്‍.
Related News
