റിയാദ്: റിയാദില്‍ സ്ഥിതി ചെയ്യുന്ന സൗദി അറാംകോയുടെ ഭരണനിര്‍വ്വഹണ മന്ദിരങ്ങളിലൊന്നിന് നേരെ ഞായറാഴ്ച ഹൂതി ആക്രമണമുണ്ടായതായി ഊര്‍ജ്ജ മന്ത്രാലയത്തിലെ ഔദ്യോഗിക വക്താവ് അറിയിച്ചു.

ആക്രമണത്തെ തുടര്‍ന്ന് കെട്ടിടത്തിന് മുകളിലേക്ക് സ്‌ഫോടനാവശിഷ്ടങ്ങള്‍ പതിക്കുകയും നിസ്സാരമായ നാശനഷ്ടങ്ങള്‍ സംഭവിക്കുകയും ചെയ്തു. ആര്‍ക്കും പരിക്കേല്‍ക്കുകയോ ജീവഹാനി സംഭവിക്കുകയോ ചെയ്തിട്ടില്ലെന്ന് മന്ത്രാലയം വ്യക്തമാക്കി.

വിവരമറിഞ്ഞ ഉടന്‍ തന്നെ സുരക്ഷാ-അടിയന്തര വിഭാഗങ്ങള്‍ സ്ഥലത്തെത്തുകയും സുരക്ഷാ മുന്‍കരുതലുകളും അന്വേഷണ നടപടികളും ആരംഭിക്കുകയും ചെയ്തിട്ടുണ്ട്.