​
​അൽ ഐൻ: മലപ്പുറം തിരുനാവായ എടക്കുളം വടക്കേ പല്ലാർ സ്വദേശി ചെരപ്പറമ്പിൽ സുബൈർ (ബാവുട്ടി - 41) അൽ ഐനിൽ നിര്യാതനായി. ഹൃദയാഘാതത്തെ തുടർന്നായിരുന്നു അന്ത്യം. പരേതനായ ചെരപ്പറമ്പിൽ ഉണ്ണീന്റെ മകനാണ്.

​ചൊവ്വാഴ്ച ഉച്ചയ്ക്ക് ഒന്നരയോടെയായിരുന്നു അന്ത്യം. അൽ ഐൻ അൽ ആമിറയിൽ (അൽ യഹർ) സ്വകാര്യ സ്ഥാപനത്തിൽ ജോലി ചെയ്തു വരികയായിരുന്നു.
​മാതാവ്: ഫാത്തിമ. ഭാര്യ: ഫർസാന. മകൻ: മുഹമ്മദ് സയാൻ.

​മൃതദേഹം അൽ ഐൻ ശൈഖ് തഹ്‌നൂൻ ബിൻ മുഹമ്മദ് അൽ നഹ്‌യാൻ മെഡിക്കൽ സിറ്റി (ജിമി ഹോസ്പിറ്റൽ) മോർച്ചറിയിൽ സൂക്ഷിച്ചിരിക്കുകയാണ്. നിയമനടപടികൾ പൂർത്തിയാക്കിയ ശേഷം മൃതദേഹം നാട്ടിലെത്തിച്ച് വടക്കേ പല്ലാർ ജുമാ മസ്ജിദ് ഖബർസ്ഥാനിൽ സംസ്കരിക്കുമെന്ന് ബന്ധുക്കൾ അറിയിച്ചു.