റിയാദ്: കുട്ടികളുടെ സര്ഗശേഷിയെ പ്രോത്സാഹിപ്പിച്ചും ആഭരണ രൂപകല്പ്പനയിലെ കുഞ്ഞുഭാവനകള്ക്ക് വേദിയൊരുക്കിയും സോന ഗോള്ഡ് ആന്ഡ് ഡയമണ്ട്സിന്റെ ശിശുദിനാഘോഷം. 'ലിറ്റില് നൂറ'യുടെ ഭാഗമായി നവംബര് 14-ന് ശിശുദിനത്തില് അല്ഖര്ജ് ക്വാണ്ടം റൈസ് ഇന്റര്നാഷണല് സ്കൂളില് സംഘടിപ്പിച്ച ജ്വല്ലറി ചിത്രരചനാ മത്സരം കുട്ടികള്ക്ക് കഴിവുകള് പ്രകടിപ്പിക്കാനുള്ള മികച്ച അവസരമായി.
മത്സരത്തില് അവന്തിക നിത പ്രകാശ് ഒന്നാം സ്ഥാനവും ആല്മിയ ബിജോയ് രണ്ടാം സ്ഥാനവും മഹലൈക് ഷാന്സെ മൂന്നാം സ്ഥാനവും നേടി.
ഒന്നാം സമ്മാനമായ സ്വര്ണനാണയം സോന ഗോള്ഡ് ആന്ഡ് ഡയമണ്ട്സ് സൗദി കണ്ട്രി ഹെഡ് ശ്രീജിത്തും സ്കൂള് പ്രിന്സിപ്പല് പത്മിനി നായരും ചേര്ന്ന് വിതരണം ചെയ്തു. അവന്തികയുടെ ചിത്രം അടുത്ത ഒരു വര്ഷത്തേക്ക് 'ലിറ്റില് നൂറ' ഉല്പ്പന്ന കാറ്റലോഗിന്റെ മുഖപ്പേജില് ഉള്പ്പെടുത്തും എന്ന പ്രത്യേക അംഗീകാരവും വിജയത്തിന് തിളക്കമേകി.
രണ്ടാം സമ്മാനമായ സ്വര്ണനാണയം സ്ഥാപനത്തിന്റെ ഹോള്സെയില് ഹെഡ് മനു വിശ്വം സമ്മാനിച്ചു. മൂന്നാം സമ്മാനം ജി.സി.സി. മാര്ക്കറ്റിങ് ആന്ഡ് കമ്യൂണിക്കേഷന്സ് ഹെഡ് വികാസ് വീരമണി വിതരണം ചെയ്തു.
കുട്ടികളുടെ ആശയങ്ങള്ക്കും സൃഷ്ടികള്ക്കും അംഗീകാരം നല്കുന്ന ഇത്തരം വേദികള് അവരുടെ ആത്മവിശ്വാസവും കലാഭിരുചിയും വളര്ത്താന് സഹായിക്കുന്നു. മത്സരത്തിനൊപ്പം ലഭിച്ച അംഗീകാരങ്ങളും സമ്മാനങ്ങളും കുരുന്നുകള്ക്ക് തുടര്ന്നും സൃഷ്ടിപരമായ പ്രവര്ത്തനങ്ങളില് മുന്നേറാനുള്ള പ്രോത്സാഹനമായി.
ചടങ്ങില് കുട്ടികള്ക്കായുള്ള 'ലിറ്റില് നൂറ' 22 കാരറ്റ് ആഭരണശേഖരവും അവതരിപ്പിച്ചു. ബാല്യത്തിന്റെ മനോഹാരിതയ്ക്കൊപ്പം കുഞ്ഞുങ്ങളുടെ ഇഷ്ടങ്ങള്ക്കും ഇടം നല്കുന്ന പുതിയ ശേഖരത്തിലൂടെ കുടുംബങ്ങളിലേക്ക് കൂടുതല് അടുത്തെത്തുകയാണ് സോന ഗോള്ഡ് ആന്ഡ് ഡയമണ്ട്സ്. 'ലിറ്റില് നൂറ' ശേഖരം വില്ലാജിയോ, മദീന മാള് ഷോറൂമുകളില് ലഭ്യമാണെന്ന് സോന ഗോള്ഡ് ആന്ഡ് ഡയമണ്ട്സ് അധികൃതര് അറിയിച്ചു.