റിയാദ്: വേള്ഡ് മലയാളി ഫെഡറേഷന് റിയാദ് കൗണ്സിലിന്റെ ആഭിമുഖ്യത്തില് ഇന്റര് കൗണ്സില് ബാഡ്മിന്റണ് ചാമ്പ്യന്ഷിപ്പിന്ന് തുടക്കം കുറിച്ചു. റിയാദിലെ ഡീഡീസ് ബാഡ്മിന്റണ് കോര്ട്ടില് നടക്കുന്ന ചാമ്പ്യന്ഷിപ്പ് റിയാദ് കൗണ്സില് ട്രഷറര് സാനു മാവേലിക്കര ഉദ്ഘാടനം ചെയ്തു. ബിന്യാമിന് ബില്റു, നൗഷാദ് ആലുവ, കബീര് പട്ടാമ്പി, നിസാര് പള്ളികശ്ശേരി, ഡൊമിനിക് സാവിയോ, ബഷീര് കരോളം അഞ്ജു അനിയന്, മിനുജ മുഹമ്മദ്, തുടങ്ങിയവര് സന്നിഹിതരായിരുന്നു.
ലീഗ് അടിസ്ഥാനത്തില് നടക്കുന്ന ചാമ്പ്യന്ഷിപ്പില് റിയാദ് കൗണ്സിലിലെ സ്മാഷ് ടൈറ്റന്സ്, ഷട്ടില് സ്റ്റാര്സ്, കോര്ട്ട് കിങ്സ്, ഫ്ലൈയിങ് വിങ്സ്, റാക്കറ്റ് റൈഡേഴ്സ്, എനര്ജി സ്മാഷേഴ്സ്, വിക്ടറി വാരിയേഴ്സ് തുടങ്ങിയ 7 മികച്ച ടീമുകളാണ് മാറ്റുരക്കുന്നത്.
റിയാദ് കൗണ്സില് സ്പോര്ട്സ് കണ്വീനര് സിബിന് ജോണ്, റിയാസ് വണ്ടൂര്, രാഹുല് രവീന്ദ്രന്, അന്സാര് വര്ക്കല, സനീഷ് നസീര്, ഉമറലി അക്ബര്, ആസിഫ്, സഞ്ജീവ്, അന്സാര് ആലുവ, റിയാസ്.ടി.പി, സന്തോഷ്, യാസര് കരുവാരക്കുണ്ട്, ഷൈജല്, സാജിം തലശ്ശേരി, അഖില് തുടങ്ങിയവര് നേതൃത്വം നല്കി. രണ്ട് ആഴ്ചകളില് നടക്കുന്ന ചാമ്പ്യന്ഷിപ്പിന്റെ ഫൈനല് മത്സരം അടുത്ത ശനിയാഴ്ച നടക്കും.
Related News