റിയാദ്: സൗദി അറേബ്യയുടെ സൈനിക നേതൃത്വത്തില് സുപ്രധാന മാറ്റങ്ങള് വരുത്തി രാജകീയ ഉത്തരവ് പുറപ്പെടുവിച്ചു. പ്രതിരോധ മന്ത്രിയുടെ ശുപാര്ശയുടെ അടിസ്ഥാനത്തില് ലെഫ്റ്റനന്റ് ജനറല് ഫഹദ് ബിന് ഹമദ് ബിന് അബ്ദുല് അസീസ് അല് സല്മാനെ പ്രതിരോധ മന്ത്രിയുടെ സൈനിക കാര്യ ഉപദേഷ്ടാവായി നിയമിച്ചു.
ഇതോടൊപ്പം, നിലവിലെ ചീഫ് ഓഫ് ജനറല് സ്റ്റാഫ് ആയ ലെഫ്റ്റനന്റ് ജനറല് ഫയ്യാദ് ബിന് ഹമദ് ബിന് റഖാദ് അല്-റുവൈലിക്ക് സംയുക്ത സേനാ കമാന്ഡറുടെ അധിക ചുമതല കൂടി നല്കിയും രാജകീയ ഉത്തരവില് നിര്ദ്ദേശിച്ചിട്ടുണ്ട്.
നിലവിലെ ചുമതലകള്ക്ക് പുറമെയാണ് ലെഫ്റ്റനന്റ് ജനറല് ഫയ്യാദ് അല്-റുവൈലി സംയുക്ത സേനാ കമാന്ഡറുടെ ചുമതലകള്കൂടി നിര്വ്വഹിക്കുക. സൗദി പ്രതിരോധ മന്ത്രാലയത്തിന്റെ പ്രവര്ത്തനങ്ങള് കൂടുതല് ഏകോപിപ്പിക്കുന്നതിനും സൈനിക ശേഷി ശക്തിപ്പെടുത്തുന്നതിനുമാണ് ഉന്നതതലത്തിലുള്ള ഈ പുതിയ നിയമനങ്ങള്.
Related News