l o a d i n g

ഇന്ത്യ

യു.പി: കോണ്‍ഗ്രസ്-എസ്.പി സീറ്റ് ചര്‍ച്ചക്ക് പുതിയ സമിതി, കണക്കുകള്‍ വെച്ച് തീരുമാനം

Thumbnail
Publisher By     Staff Reporter
November 21, 2026



ലഖ്‌നൗ: 2027ലെ ഉത്തര്‍പ്രദേശ് നിയമസഭാ തിരഞ്ഞെടുപ്പിന് മുന്നോടിയായി കോണ്‍ഗ്രസുമായുള്ള സീറ്റ് വിഭജന ചര്‍ച്ചകള്‍ക്ക് സമാജ്‌വാദി പാര്‍ട്ടി (എസ്പി) ഏഴംഗ സമിതിയെ രൂപീകരിച്ചു. മുതിര്‍ന്ന എംപി രാം ഗോപാല്‍ യാദവ് അധ്യക്ഷനായ സമിതിയാണ് സഖ്യചര്‍ച്ചകള്‍ക്ക് നേതൃത്വം നല്‍കുക. കോണ്‍ഗ്രസും പ്രിയങ്ക ഗാന്ധിയുടെ നേതൃത്വത്തില്‍ അഞ്ചംഗ ചര്‍ച്ചാ സമിതിയെ രൂപീകരിച്ചിട്ടുണ്ട്. ഇരു പാര്‍ട്ടികളും തമ്മിലുള്ള സീറ്റ് വിഭജന ധാരണ 2027ലെ പ്രതിപക്ഷ മുന്നണിയുടെ രാഷ്ട്രീയ ദിശ നിര്‍ണയിക്കുന്നതില്‍ നിര്‍ണായകമാകും.

കോണ്‍ഗ്രസുമായി സഖ്യധാരണ രൂപീകരിച്ച് തിരഞ്ഞെടുപ്പിനെ നേരിടാനുള്ള എസ്.പിയുടെ നീക്കമായാണ് സമിതിയുടെ രൂപീകരണം വിലയിരുത്തപ്പെടുന്നത്. സമിതിയില്‍ അഞ്ച് രാഷ്ട്രീയ നേതാക്കളും രണ്ട് ഡാറ്റാ വിദഗ്ധരുമാണുള്ളത്. മണ്ഡലം തിരിച്ചുള്ള തിരഞ്ഞെടുപ്പ് കണക്കുകളും സ്ഥാനാര്‍ഥികളുടെ വിജയസാധ്യതയും വിശകലനം ചെയ്ത് സീറ്റ് വിഭജനത്തില്‍ ധാരണയിലെത്തുകയാണ് സമിതിയുടെ ലക്ഷ്യം. നവംബര്‍ 23, 24 തീയതികളില്‍ ഡല്‍ഹിയില്‍ ചര്‍ച്ചകള്‍ നടക്കുമെന്നാണ് റിപ്പോര്‍ട്ട്.

2012, 2017, 2022 നിയമസഭാ തിരഞ്ഞെടുപ്പുകളിലെയും 2024 ലോക്‌സഭാ തിരഞ്ഞെടുപ്പിലെയും വോട്ടിങ് കണക്കുകള്‍ സമിതി പരിശോധിക്കും. മണ്ഡലങ്ങളിലെ രാഷ്ട്രീയ സമവാക്യങ്ങള്‍, പാര്‍ട്ടികളുടെ വോട്ടുനില, സ്ഥാനാര്‍ഥികളുടെ സാധ്യതകള്‍ എന്നിവ വിലയിരുത്തിയാകും സീറ്റ് വിഭജനം തീരുമാനിക്കുക.

2024ലെ ലോക്‌സഭാ തിരഞ്ഞെടുപ്പിലെ പ്രകടനത്തെ അടിസ്ഥാനമാക്കി സീറ്റ് വിഭജിക്കണമെന്നാണ് കോണ്‍ഗ്രസിന്റെ നിലപാട്. എന്നാല്‍ 2022 നിയമസഭാ തിരഞ്ഞെടുപ്പിലെയും മുന്‍കാല പ്രകടനങ്ങളിലെയും കണക്കുകള്‍ കൂടി പരിഗണിക്കണമെന്നാണ് എസ്.പി. ആവശ്യപ്പെടുന്നത്. ആകെ സീറ്റുകളുടെ എണ്ണത്തേക്കാള്‍ വിജയസാധ്യതയ്ക്കാണ് മുന്‍ഗണനയെന്ന് എസ്.പി. നേതൃത്വം വ്യക്തമാക്കുന്നു.

403 അംഗ ഉത്തര്‍പ്രദേശ് നിയമസഭയില്‍ 181 സീറ്റുകള്‍ കോണ്‍ഗ്രസ് ആവശ്യപ്പെട്ടതായാണ് റിപ്പോര്‍ട്ട്. എന്നാല്‍ എസ്.പി. ഇത്രയും സീറ്റുകള്‍ വിട്ടുനല്‍കുന്നതിനോട് യോജിക്കുന്നില്ല. ആദ്യഘട്ടത്തില്‍ ഏകദേശം 24-25 സീറ്റുകള്‍ നല്‍കാനാണ് എസ്.പി. ആലോചിക്കുന്നതെന്നും റിപ്പോര്‍ട്ടുകളുണ്ട്. 2022ല്‍ കോണ്‍ഗ്രസ് 20,000ത്തിലേറെ വോട്ടുകള്‍ നേടിയ 21 മണ്ഡലങ്ങളും അതിനടുത്ത വോട്ട് നേടിയ നാല് മണ്ഡലങ്ങളും കേന്ദ്രീകരിച്ചായിരിക്കും ആദ്യഘട്ട ചര്‍ച്ചയെന്നാണ് സൂചന.

കോണ്‍ഗ്രസുമായുള്ള ചര്‍ച്ചകള്‍ക്കൊപ്പം ആം ആദ്മി പാര്‍ട്ടിയുമായും സിപിഐ (എം.എല്‍) ലിബറേഷനുമായും സഹകരണം വിപുലീകരിക്കാന്‍ എസ്.പി. ശ്രമിക്കുന്നുണ്ട്. അഖിലേഷ് യാദവ് എ.എ.പി നേതാവ് സഞ്ജയ് സിങ്, സിപിഐ (എം.എല്‍) ലിബറേഷന്‍ ജനറല്‍ സെക്രട്ടറി ദീപങ്കര്‍ ഭട്ടാചാര്യ എന്നിവരുമായി കൂടിക്കാഴ്ച നടത്തിയതായും റിപ്പോര്‍ട്ടുണ്ട്.

2024 ലോക്‌സഭാ തിരഞ്ഞെടുപ്പില്‍ എസ്.പി.-കോണ്‍ഗ്രസ് സഖ്യം മികച്ച പ്രകടനം നടത്തിയിരുന്നു. ഈ ഐക്യം നിയമസഭാ തിരഞ്ഞെടുപ്പിലും തുടരാനാകുമോ, സീറ്റ് വിഭജനത്തിലെ തര്‍ക്കങ്ങള്‍ പരിഹരിക്കാനാകുമോ എന്നതാണ് ഇപ്പോള്‍ രാഷ്ട്രീയ ശ്രദ്ധാകേന്ദ്രം.

Latest News

പാര്‍ശ്വവല്‍ക്കരണങ്ങളെ വിവേകത്തോടെ നേരിടണം: അബ്ദുന്നാസ്വിര്‍ മൗലവി പാറത്തോട്
പാര്‍ശ്വവല്‍ക്കരണങ്ങളെ വിവേകത്തോടെ നേരിടണം: അബ്ദുന്നാസ്വിര്‍ മൗലവി പാറത്തോട്
November 21, 2026
ഇറാന്‍ യുദ്ധം അവസാനിപ്പിക്കാന്‍ നീക്കം; ഖത്തര്‍ പ്രതിനിധി സംഘം ടെഹ്റാനില്‍
ഇറാന്‍ യുദ്ധം അവസാനിപ്പിക്കാന്‍ നീക്കം; ഖത്തര്‍ പ്രതിനിധി സംഘം ടെഹ്റാനില്‍
November 21, 2026
ഐ.ഐ.എസ്.ജെ ഓപ്പണ്‍ സ്‌കൂള്‍ മുന്‍പ്രിന്‍സിപ്പല്‍ ജോയ് പോള്‍ നിര്യാതനായി
ഐ.ഐ.എസ്.ജെ ഓപ്പണ്‍ സ്‌കൂള്‍ മുന്‍പ്രിന്‍സിപ്പല്‍ ജോയ് പോള്‍ നിര്യാതനായി
November 21, 2026
സൗദിയില്‍ ഒരാഴ്ചക്കിടെ 10,800 നിയമലംഘകര്‍ പിടിയില്‍; 12,000 പേരെ നാടുകടത്തി
സൗദിയില്‍ ഒരാഴ്ചക്കിടെ 10,800 നിയമലംഘകര്‍ പിടിയില്‍; 12,000 പേരെ നാടുകടത്തി
November 21, 2026
റിയാദിന് നേരെ ഹൂതി ആക്രമണ ശ്രമം വീണ്ടും, സഖ്യസേന തകര്‍ത്തു
റിയാദിന് നേരെ ഹൂതി ആക്രമണ ശ്രമം വീണ്ടും, സഖ്യസേന തകര്‍ത്തു
November 21, 2026
2026 ഫുട്ബോളിൽ ഒരു യുഗത്തിന്റെ അവസാനം.
2026 ഫുട്ബോളിൽ ഒരു യുഗത്തിന്റെ അവസാനം.
November 21, 2026
യു.പി: കോണ്‍ഗ്രസ്-എസ്.പി സീറ്റ് ചര്‍ച്ചക്ക് പുതിയ സമിതി, കണക്കുകള്‍ വെച്ച് തീരുമാനം
യു.പി: കോണ്‍ഗ്രസ്-എസ്.പി സീറ്റ് ചര്‍ച്ചക്ക് പുതിയ സമിതി, കണക്കുകള്‍ വെച്ച് തീരുമാനം
November 21, 2026
ഇന്ത്യ ലീഡിന്റെ പടിക്കല്‍, ചരിത്ര നേട്ടവുമായി രാഹുല്‍
ഇന്ത്യ ലീഡിന്റെ പടിക്കല്‍, ചരിത്ര നേട്ടവുമായി രാഹുല്‍
November 21, 2026
സ്‌പെയിന്‍-ഫ്രാന്‍സ്, ഇംഗ്ലണ്ട്-നോര്‍വേ, നാഷന്‍സ് കപ്പില്‍ തീപ്പാറും ക്വാര്‍ട്ടര്‍
സ്‌പെയിന്‍-ഫ്രാന്‍സ്, ഇംഗ്ലണ്ട്-നോര്‍വേ, നാഷന്‍സ് കപ്പില്‍ തീപ്പാറും ക്വാര്‍ട്ടര്‍
November 21, 2026
ടയ്‌ലര്‍ സ്വിഫ്റ്റിനും കമലിനും ദാദാസാഹേബ് ഫാല്‍ക്കെ പുരസ്‌കാരം
ടയ്‌ലര്‍ സ്വിഫ്റ്റിനും കമലിനും ദാദാസാഹേബ് ഫാല്‍ക്കെ പുരസ്‌കാരം
November 21, 2026