മലപ്പുറം. സൂര്യ സുല്ഫി സംവിധാനം ചെയ്ത ഗുലുമാല് ഫോര്ട്ട് ഫിലിം റിലീസ് ചെയ്തു. പാവങ്ങളെ കബളിപ്പിക്കുന്ന രണ്ട് തട്ടിപ്പുകാരുടെ കഥയാണ് ഈ ഷോര്ട്ട് ഫിലിമിലൂടെ ഇതള് വിരിയുന്നത്. അഞ്ച് മിനിറ്റ് ദൈര്ഘ്യമുള്ള ഈ ഷോര്ട്ട് ഫിലിമില് ആറ് കഥാപാത്രങ്ങളാണ് അഭിനയിച്ചിട്ടുള്ളത്. ഹാരി പാലാ, മുഹമ്മദ് ഖാലിദ്, ഷമീര് പൈപ്പിതിനി പറമ്പ്, നാസര് ചെമ്മങ്കടവ്, ഉമ്മര് എന്നിവരാണ് അഭിനേതാക്കള്. ഹാരിസ് അഷ്റഫ് ആണ് ഈ ഷോര്ട്ട് ഫിലിമിന്റെ കഥാരചന നിര്വഹിച്ചിട്ടുള്ളത്. സാധാരണക്കാരുടെ ജീവിതത്തില് സംഭവിക്കുന്ന ദുരിത കഥയാണ് ഷോര്ട്ട് ഫിലിം പറയുന്നത് യൂട്യൂബില് ആയിരങ്ങളാണ് ഗുലുമാല് ഇതിനകം കണ്ടിട്ടുള്ളത് സംവിധായകന് സൂര്യ സുല്ഫി മലപ്പുറം സ്വദേശിയാണ്.
Related News
