തിരുവനന്തപുരം: ദാദാ സാഹെബ് ഫാല്ക്കെ പുരസ്കാരം നേടിയ നടന് മോഹന്ലാലിനെ സംസ്ഥാന സര്ക്കാര് ആദരിക്കും. ഒക്ടോബര് നാലിന് നിശാഗന്ധിയില് മുഖ്യമന്ത്രി പിണറായി വിജയന് ആദരവ് അര്പ്പിക്കും. ചടങ്ങില് സാംസ്കാരിക മന്ത്രി സജി ചെറിയാന് അധ്യക്ഷത വഹിക്കും. പരിപാടിയുടെ ലോഗോ പ്രകാശനം ഇന്ന് (തിങ്കളാഴ്ച) ഒരു മണിക്ക് നിയമസഭ മീഡിയ റൂമില് വാര്ത്താസമ്മേളനത്തില് സജി ചെറിയാന് നിര്വഹിക്കും.
ദാദാ സാഹെബ് ഫാല്ക്കെ അവാര്ഡ് മലയാള സിനിമയെത്തേടി എത്തുന്നത് ഇത് രണ്ടാംതവണയാണ്. 2004ല് അടൂര് ഗോപാലകൃഷ്ണനാണ് ആദ്യമായി പുരസ്കാരം ലഭിച്ചത്. 21 വര്ഷങ്ങള്ക്കുശേഷം പ്രിയ നടന് മോഹന്ലാലിലൂടെ പുരസ്കാരം വീണ്ടും മലയാളമണ്ണിലെത്തിയ സന്തോഷത്തിലാണ് മലയാളികള്. മോഹന്ലാല് ഇന്ത്യന് സിനിമക്ക് നല്കിയ സമഗ്രസംഭാവനക്കാണ് പുരസ്കാരം. തിരനോട്ടത്തിലൂടെ അഭിനയത്തിന് തുടക്കംകുറിച്ച മോഹന്ലാല് നടനായും നിര്മാതാവായും സംവിധായകനായും ഗായകനായും 47 വര്ഷമായി സിനിമയുടെ അവിഭാജ്യഘടകമാണ്.
മലയാള സിനിമയിലെ മഹാരഥന്മാര്ക്കും സിനിമാലോകത്തിനും ഈ പുരസ്കാരം സമര്പ്പിക്കുന്നതായി മോഹന്ലാല് പറഞ്ഞു. തന്റെ ആത്മാവിന്റെ സ്പന്ദനമാണ് സിനിമയെന്നും കൂടുതല് ഉത്തരവാദത്തോടെ സിനിമാ പ്രവര്ത്തനം തുടരുമെന്നും മോഹന്ലാല് പുസ്കാരം ഏറ്റുവാങ്ങിക്കൊണ്ട് പറഞ്ഞു. ഡല്ഹി വിഗ്യാന് ഭവനില് നടന്ന ചടങ്ങില് രാഷ്ട്രപതി ദ്രൗപതി മുര്മുവില്നിന്നാണ് മോഹന്ലാല് പുരസ്കാരം ഏറ്റുവാങ്ങിയത്.
.jpg)
Related News
