ബര്മിങ്ങാം: സാങ്കേതിക തകരാറിനെ തുടര്ന്ന് എയര് ഇന്ത്യയുടെ ബോയിങ് 787 വിമാനം അടിയന്തിര ലാന്ഡിങ് നടത്തി. അമൃത്സറില് നിന്ന് ബിര്മിങ്ങാമിലേക്ക് എത്തിയ വിമാനത്തിനാണ് അടിയന്തര ലാന്ഡിംഗ് വേണ്ടിവന്നത്. ബര്മിങ്ങാമില് ലാന്ഡ് ചെയ്യാന് ശ്രമിക്കുന്നതിനിടെയാണ് വിമാനത്തിന്റെ തകരാര് പൈലറ്റിന്റെ ശ്രദ്ധയില്പ്പെട്ടത്. ലാന്ഡ് ചെയ്യാനുള്ള ഒരുക്കങ്ങള്ക്കിടയില് വിമാനത്തിന്റെ റാറ്റ് (റാം എയര് ടര്ബെയിന്) പുറത്ത് വരികയായിരുന്നു. തുടര്ന്നാണ് അടിയന്തര ലാന്ഡിംഗിനുള്ള ക്രമീകരണങ്ങള് നടത്തി വിമാനം സുരക്ഷിതമായി ലാന്ഡ് ചെയ്തത്. യാത്രക്കാരെല്ലാം സുരക്ഷിതരാണ്. സംഭവത്തില് കൂടുതല് പരിശോധനകള് നടത്തുമെന്ന് എയര് ഇന്ത്യ അറിയിച്ചു. ഇതേത്തുടര്ന്ന് ബര്മ്മിംഗ്ഹാമില് നിന്ന് ന്യൂഡല്ഹിയിലേക്കുള്ള എയര് ഇന്ത്യ വിമാനം റദ്ദാക്കി.
ശനിയാഴ്ചയാണ് അമൃത്സറില് നിന്ന് ബര്മിംഗ്ഹാമിലേക്ക് വിമാനം യാത്ര തിരിച്ചത്. ലാന്ഡ് ചെയ്യാനുള്ള ഒരുക്കങ്ങള്ക്കിടയില് വിമാനത്തിന്റെ റാറ്റ് (റാം എയര് ടര്ബെയിന്) പുറത്ത് വന്നത് പൈലറ്റിന്റെ ശ്രദ്ധയില്പ്പെടുകയായിരുന്നു. ഇരട്ട എഞ്ചിന് തകരാറോ വിമാനത്തിലെ വൈദ്യുതി പൂര്ണ്ണമായി നിശ്ചലമാക്കപ്പെടുകയോ (ഹൈഡ്രോളിക് പരാജയം) ചെയ്യുന്ന അവസരങ്ങളിലാണ് ഇത്തരത്തില് റാറ്റ് സംവിധാനം പ്രവര്ത്തിക്കുക. കാറ്റിന്റെ വേഗത ഉപയോഗിച്ച് റാറ്റ് അടിയന്തരമായി വൈദ്യുതി ഉത്പാദിപ്പിക്കും. എന്നാല് വിമാനത്തിന് ഇത് പ്രവര്ത്തിക്കത്തക്ക തരത്തില് ഇലക്ട്രിക്കല്, ഹൈഡ്രോളിക്കല് പ്രശ്നങ്ങള് ഉണ്ടായിരുന്നില്ലെന്ന് എയര് ഇന്ത്യ അറിയിച്ചു. കൂടുതല് പരിശോധനകള് നടത്തേണ്ടതിനാലാണ് ഡല്ഹിയില് നിന്ന് ബര്മിംഗ്ഹാമിലേക്കുള്ള എയര് ഇന്ത്യ വിമാനം റദ്ദാക്കിയത്. യാത്രക്കാര്ക്ക് വേണ്ടി ബദല് സംവിധാനങ്ങള് ഒരുക്കിയിട്ടുണ്ടെന്നും എയര് ഇന്ത്യ പ്രസ്താവനയില് അറിയിച്ചു.
.jpg)
Related News
