വാഷിംഗ്ടണ്: യുഎസ് പ്രസിഡന്റ് ഡൊണാള്ഡ് ട്രംപും റഷ്യന് പ്രസിഡന്റ് വ്ളാഡിമിര് പുടിനും തമ്മില് നടക്കാനിരിക്കുന്ന കൂടിക്കാഴ്ചയ്ക്ക് ഹംഗറിയിലെ ബുഡാപെസ്റ്റ് നഗരം തിരഞ്ഞെടുത്തതുമായി ബന്ധപ്പെട്ട് ചോദ്യം ചോദിച്ച റിപ്പോര്ട്ടറെ വെറ്റ് ഹൗസ് പ്രസ് സെക്രട്ടറി കരോലിന് ലെഫ്റ്റ് തള്ളക്ക് വിളിച്ചത് വന് വിവാദത്തിന് തിരികൊളുത്തി.
വാര്ത്താ സമ്മേളനത്തിനിടെ, കൂടിക്കാഴ്ചക്ക് ഈ നഗരം ആര് തിരഞ്ഞെടുത്തു എന്നായിരുന്നു റിപ്പോര്ട്ടറുടെ ചോദ്യം. ഇതിന് മറുപടിയായി ലെഫ്റ്റ് പരിഹാസ രൂപേണ 'തന്റെ തള്ള'എന്ന് മറുപടി നല്കി. ഈ മറുപടി സദസ്സിലുള്ളവരെ ഞെട്ടിക്കുകയും സോഷ്യല് മീഡിയയില് വ്യാപകമായ ചര്ച്ചകള്ക്ക് വഴിവെക്കുകയും ചെയ്തു.
തന്റെ മറുപടി തമാശയായിട്ടായിരുന്നു എന്നാണ് കരോലിന്റെ മറുപടി. 'ആരും ഗൗരവമായി എടുക്കാത്ത ഒരു അതിരുകടന്ന ഇടതുപക്ഷ കോളമിസ്റ്റാണ്' ഈ റിപ്പോര്ട്ടറെന്നും അവര് കൂട്ടിച്ചേര്ത്തു. ഈ വെബ്സൈറ്റില് നിന്നുള്ള ചോദ്യങ്ങളൊന്നും ഇനി സ്വീകരിക്കില്ലെന്നും അവര് വ്യക്തമാക്കി.
ബുഡാപെസ്റ്റില് പുടിനുമായി ഒരു കൂടിക്കാഴ്ച നടത്തുന്നതിനെക്കുറിച്ച് ഫോണ് സംഭാഷണങ്ങള് നടന്നിട്ടുണ്ടെന്നും, ഇരുപക്ഷത്ത് നിന്നുമുള്ള മുതിര്ന്ന ഉപദേഷ്ടാക്കള് ഇതില് പങ്കെടുക്കുമെന്നും യുഎസ് പ്രസിഡന്റ് ഡൊണാള്ഡ് ട്രംപ് നേരത്തെ അറിയിച്ചിരുന്നു.
Related News
