തിരുവനന്തപുരം: സംസ്ഥാന ചലച്ചിത്ര അക്കാദമി ചെയര്മാനായി ഓസ്കര് ജേതാവ് റസൂല് പൂക്കുട്ടിയെ നിയമിച്ചു. നടിയും താരസംഘടനയായ 'അമ്മ'യുടെ ജനറല് സെക്രട്ടറിയുമായ കുക്കൂ പരമേശ്വരനാണ് വൈസ് ചെയര്പേഴ്സണ്. സി അജോയ് ആണ് സെക്രട്ടറി. 26 അംഗങ്ങളാണ് ബോര്ഡില് പുതുതായി തിരഞ്ഞെടുക്കപ്പെട്ടത്. മൂന്നുവര്ഷത്തേക്കാണ് അക്കാദമി ഭരണസമിതിയുടെ കാലാവധി. ചെയര്മാന്, വൈസ് ചെയര്മാന് സ്ഥാനങ്ങള്ക്കും ഇത് ബാധകമാണ്.
സന്തോഷ് കീഴാറ്റൂര്, നിഖില വിമല്, ബി രാകേഷ്, സുധീര് കരമന, റെജി എം ദാമോദരന്, സിത്താര കൃഷ്ണകുമാര്, മിന്ഹാജ് മേഡര്, സോഹന് സീനുലാല്, ജി എസ് വിജയന്, ശ്യാം പുഷ്കരന്, അമല് നീരദ്, സാജു നവോദയ, എന് അരുണ്, പൂജപ്പുര രാധാകൃഷ്ണന്, യൂ ശ്രീഗണേഷ് എന്നിവരടങ്ങുന്നതാണ് ജനറല് കൗണ്സില്.
ആരോപണവിധേയനായ മുന് ചെയര്മാന് രഞ്ജിത്ത് സ്ഥാനമൊഴിഞ്ഞ സ്ഥാനത്തേക്കാണ് റസൂല്പൂക്കുട്ടി എത്തുന്നത്. രഞ്ജിത്തിന് ശേഷം വൈസ് ചെയര്മാന് പ്രേംകുമാര് ആക്ടിങ് ചെയര്മാനായി തുടരുകയായിരുന്നു. 2022 ജനുവരിയിലാണ് രഞ്ജിത്ത് ചെയര്മാന് ആയിട്ടുള്ള നിലവിലെ ഭരണസമിതി ചലച്ചിത്ര അക്കാദമിയിലെ അധികാരത്തില് വന്നത്. ഹേമ കമ്മിറ്റി റിപ്പോര്ട്ട് പുറത്തുവന്നതിനെ തുടര്ന്നുണ്ടായ കൊടുങ്കാറ്റില് രഞ്ജിത്തിന്റെ സ്ഥാനം തെറിക്കുകയായിരുന്നു. തുടര്ന്നാണ് വൈസ് ചെയര്മാന് ആയിരുന്ന പ്രേംകുമാര് ചുമതല ഏറ്റെടുത്തത്.
മൂന്നുവര്ഷത്തേക്കാണ് അക്കാദമി ഭരണസമിതിയുടെ കാലാവധി. ചെയര്മാന്, വൈസ് ചെയര്മാന് സ്ഥാനങ്ങള്ക്കും ഇത് ബാധകമാണ്. അതേസമയം, ബീന പോളിനെ ചെയര്പേഴ്സണായി നിയമിക്കണമെന്ന് വനിതാ കൂട്ടായ്മയായ ഡബ്ല്യു.സി.സി ആവശ്യം ഉന്നയിച്ചിരുന്നു. പ്രശ്നം പരിഹരിക്കുന്നതിനായി സര്ക്കാര് പ്രേം കുമാറിനെ ഇടക്കാല ചെയര്മാനായി നിയമിക്കുകയായിരുന്നു.
.jpg)
Related News
