ന്യൂഡല്ഹി: ബിഹാര് നിയമസഭാ തിരഞ്ഞെടുപ്പില് നേരിട്ട കനത്ത തിരിച്ചടിക്ക് കാരണം 'എസ്.ഐ.ആര്' ആണെന്ന് കോണ്ഗ്രസ് നേതാവ് ഉദിത് രാജ്. എക്സിലൂടെയാണ് അദ്ദേഹം തന്റെ അഭിപ്രായം രേഖപ്പെടുത്തിയത്. നിലവിലെ മുന്നേറ്റം 'എസ്.ഐ.ആറി'ന്റെ വിജയമാണെന്നും അദ്ദേഹം പ്രതികരിച്ചു. വോട്ടര് പട്ടികയില് വ്യാപക പരിഷ്കരണം നടത്തിയ ശേഷം നടന്ന ആദ്യ തിരഞ്ഞെടുപ്പാണിത്.
ബിഹാറില് എന്.ഡി.എ സഖ്യം തുടര്ഭരണം ഉറപ്പിച്ച് മുന്നേറുകയാണ്. ബി.ജെ.പി. 160-ല് അധികം സീറ്റുകളില് ലീഡ് ചെയ്യുമ്പോള്, ആര്.ജെ.ഡിയുടെ നേതൃത്വത്തിലുള്ള ഇന്ഡ്യ സഖ്യത്തിന് 68 സീറ്റുകളില് മാത്രമാണ് മുന്നേറാനായത്. കഴിഞ്ഞ തിരഞ്ഞെടുപ്പില് 19 സീറ്റുകള് നേടിയ കോണ്ഗ്രസ് നിലവില് 14 ഇടത്ത് മാത്രമാണ് ലീഡ് ചെയ്യുന്നത്.
നേരത്തെ, 'എസ്.ഐ.ആറി'നെതിരെ കോണ്ഗ്രസ് നേതാവ് രാഹുല് ഗാന്ധിയുടെ നേതൃത്വത്തില് സംസ്ഥാനത്ത് 'വോട്ടര് അധികാര് യാത്ര' നടത്തിയിരുന്നു. ബിഹാറിലെ ഗ്രാമങ്ങളിലൂടെ കടന്നുപോയ രാഹുല് ഗാന്ധിയുടെ യാത്ര കോണ്ഗ്രസിന് വലിയ പ്രതീക്ഷ നല്കിയെങ്കിലും, താഴെത്തട്ടില് ഇത് സ്വാധീനം ചെലുത്തിയില്ലെന്നാണ് തിരഞ്ഞെടുപ്പ് ഫലങ്ങള് സൂചിപ്പിക്കുന്നത്. ഇന്ഡ്യ സഖ്യത്തില് ആര്.ജെ.ഡിക്ക് മാത്രമാണ് ഭേദപ്പെട്ട പ്രകടനം കാഴ്ചവെക്കാനായത്. ഇടതുപാര്ട്ടികള് ഉള്പ്പെടെയുള്ള മറ്റാര്ക്കും കഴിഞ്ഞ തവണത്തെ നേട്ടം ആവര്ത്തിക്കാന് സാധിച്ചില്ല.
.jpg)
Related News
