മക്ക: കഅ്ബയ്ക്ക് ചുറ്റുമുള്ള 'മത്വാഫ്' (പ്രദക്ഷിണ സ്ഥലം) ഏരിയയില് തീര്ഥാടകരുടെ തിരക്ക് വര്ധിക്കുന്ന സാഹചര്യത്തില്, അവിടെ നമസ്കരിക്കുന്നത് ഒഴിവാക്കണമെന്ന് സൗദി പൊതുസുരക്ഷാ വിഭാഗം അഭ്യര്ഥിച്ചു. ഹജ്ജ്, ഉംറ തീര്ഥാടകരുടെ സഞ്ചാരം സുഗമമാക്കുകയും ത്വവാഫ് (പ്രദക്ഷിണം) തടസ്സമില്ലാതെ നടക്കുന്നു എന്ന് ഉറപ്പാക്കുകയുമാണ് ഈ തീരുമാനത്തിന്റെ ലക്ഷ്യം.
മസ്ജിദുല് ഹറാമിനുള്ളില് പ്രദക്ഷിണം ചെയ്യുമ്പോള് ഭക്തരുടെ സഞ്ചാരത്തെ വ്യവസ്ഥാപിതമാക്കുന്നതിനുള്ള നിയന്ത്രണങ്ങള് കര്ശനമായി പാലിക്കണമെന്നും പൊതുസുരക്ഷാ വിഭാഗം നിര്ദ്ദേശിച്ചു.
കഅ്ബയ്ക്ക് ചുറ്റുമുള്ള മത്വാഫ് ഏരിയ, ത്വവാഫ് ചെയ്യുന്ന തീര്ഥാടകര്ക്ക് വേണ്ടി മാത്രമുള്ളതാണ്. അവിടെ നമസ്കരിക്കുന്നത്, പ്രത്യേകിച്ചും തിരക്ക് ശക്തമാകുന്ന സമയങ്ങളില്, തീര്ഥാടകരുടെ ഒഴുക്കിനെ തടസ്സപ്പെടുത്തുകയും ത്വവാഫിന്റെ സുഗമമായ സഞ്ചാരത്തെ ബാധിക്കുകയും ചെയ്യും. തീര്ഥാടകര്ക്ക് അവരുടെ കര്മങ്ങള് എളുപ്പത്തിലും സൗകര്യപ്രദമായും നിര്വഹിക്കാന് കഴിയുന്ന ഒരിടമാണ് മത്വാഫ്. അവിടെ ഒരു തടസ്സവും ഉണ്ടാകാന് പാടില്ല.
സന്ദര്ശകരുടെ സുരക്ഷയും തിരക്കോ തടസ്സമോ ഇല്ലാതെ സുഗമമായ സഞ്ചാരവും ഉറപ്പാക്കുന്ന സമഗ്രമായ സുരക്ഷാ സംവിധാനത്തിന്റെയും സംഘടനാ പദ്ധതികളുടെയും ഭാഗമായാണ് ഈ പുതിയ നിയന്ത്രണം. സുരക്ഷിതവും ആത്മീയവുമായ അന്തരീക്ഷത്തില് തീര്ഥാടകര്ക്ക് മികച്ച സേവനം നല്കുന്നതിനും ക്രമീകൃതമായ ചലനം ഉറപ്പാക്കുന്നതിനും അധികൃതര് എല്ലാ നടപടികളും സ്വീകരിക്കുന്നുണ്ട്.
മസ്ജിദുല് ഹറാമിനുള്ളില് കൃത്യമായ സംവിധാനങ്ങളും ഏറ്റവും പുതിയ ഫീല്ഡ് സാങ്കേതികവിദ്യകളും ഉപയോഗിച്ച് സുരക്ഷാ അധികാരികള് ജനക്കൂട്ടത്തെ നിയന്ത്രിക്കുന്നുണ്ടെന്ന് പൊതുസുരക്ഷാ വിഭാഗം വ്യക്തമാക്കി. തീര്ഥാടനാനുഭവം ഏറ്റവും മികച്ചതാക്കാന് ഭക്തര് നിര്ദ്ദേശങ്ങള് പാലിക്കണമെന്ന് അധികൃതര് അഭ്യര്ഥിച്ചു.
.jpg)
Related News
