റിയാദ്: രാജ്യത്തുടനീളം ഇടിമിന്നലിനും മിന്നല് പ്രളയത്തിനും സാധ്യതയുണ്ടെന്ന് സൗദി കാലാവസ്ഥാ കേന്ദ്രം മുന്നറിയിപ്പ് നല്കി. വെള്ളപ്പൊക്ക സാധ്യതയുള്ള താഴ്ന്ന പ്രദേശങ്ങളിലേക്ക് പോകുന്നത് ഒഴിവാക്കണമെന്ന് അധികൃതര് പൊതുജനങ്ങള്ക്ക് നിര്ദേശം നല്കി.
ഇന്ന് പുറത്തിറക്കിയ കാലാവസ്ഥാ പ്രവചനത്തില്, വിവിധ പ്രവിശ്യകളില് 'മിന്നല് പ്രളയത്തിലേക്ക് നയിച്ചേക്കാവുന്ന മിതമായതോ കനത്തതോ ആയ ഇടിമിന്നലിന് സാധ്യതയുണ്ടെന്ന് പറയുന്നു. ഒപ്പം ആലിപ്പഴ വര്ഷവും പൊടിപടലങ്ങള് ഇളക്കിവിടുന്ന ശക്തമായ കാറ്റും ഉണ്ടാകും എന്നും അറിയിച്ചു.
ഇതില് റിയാദ്, ഖസിം, ഹായില്, മദീന, മക്ക, അല്-ബാഹ, അസീര്, ജസാന്, കിഴക്കന് പ്രവിശ്യയുടെ ചില ഭാഗങ്ങള് എന്നിവ ഉള്പ്പെടുന്നു. വടക്കന് അതിര്ത്തികള്, അല്-ജൗഫ്, തബൂക്ക് എന്നിവിടങ്ങളില് നേരിയതോ മിതമായതോ ആയ കൊടുങ്കാറ്റുകള് പ്രതീക്ഷിക്കുന്നതായും കാലാവസ്ഥാ കേന്ദ്രം കൂട്ടിച്ചേര്ത്തു.
ഡിസംബര് 18 വരെ മിന്നല് പ്രളയ സാധ്യതയുള്ള സ്ഥലങ്ങളിലും താഴ്വരകളിലും പോകുന്നത് ഒഴിവാക്കണമെന്ന്
ജനറല് ഡയറക്ടറേറ്റ് ഓഫ് സിവില് ഡിഫന്സ് പൊതുജനങ്ങളോട് അഭ്യര്ഥിച്ചു.
.jpg)
Related News
