ദുബായ്- യുഎഇ ഉള്പ്പെടെയുള്ള മിഡില് ഈസ്റ്റ് രാജ്യങ്ങളില് വിതരണം ചെയ്ത ചില നെസ്ലെ ഇന്ഫന്റ് ഫോര്മുല ഉല്പ്പന്നങ്ങള് കമ്പനി തിരിച്ചുവിളിക്കുന്നു. ആരോഗ്യപരമായ ചില ആശങ്കകളെ തുടര്ന്നാണ് ഈ മുന്കരുതല് നടപടി. ടോക്സിന് സാന്നിധ്യം സംബന്ധിച്ച സംശയങ്ങളെ തുടര്ന്നാണ് പരിശോധനകള് ശക്തമാക്കിയത്.
കഴിഞ്ഞ ഒരാഴ്ചയായി ഈ വിഷയത്തില് കര്ശനമായ നിരീക്ഷണം നടക്കുന്നുണ്ടെന്ന് യുഎഇ ആരോഗ്യ മന്ത്രാലയം അറിയിച്ചു. നിശ്ചിത ബാച്ചിലുള്ള ഉല്പ്പന്നങ്ങള് വാങ്ങിയവര് അത് ഉപയോഗിക്കരുതെന്നും തിരിച്ചേല്പ്പിക്കണമെന്നും നിര്ദ്ദേശം നല്കിയിട്ടുണ്ട്. ഉപഭോക്താക്കള്ക്ക് പണം തിരികെ ലഭിക്കാനുള്ള സൗകര്യവും ഏര്പ്പെടുത്തിയിട്ടുണ്ട്.
കുട്ടികളുടെ ആരോഗ്യം കണക്കിലെടുത്ത് വിപണിയില്നിന്ന് ഈ ഉല്പ്പന്നങ്ങള് നീക്കം ചെയ്യാനുള്ള നടപടികള് വേഗത്തിലാക്കി. കൂടുതല് വിവരങ്ങള്ക്കും സംശയങ്ങള്ക്കും അധികൃതര് നല്കിയിട്ടുള്ള ഹെല്പ്പ് ലൈന് നമ്പറുകളില് ബന്ധപ്പെടാവുന്നതാണ്.
Related News
