മസ്കറ്റ്: വെറ്ററിനറി അധികാരികളുടെ നിര്ദേശാനുസരണം ആരോഗ്യപരമായ ആശങ്കകള് കണക്കിലെടുത്ത് കേരളത്തില് നിന്നുള്ള കോഴികളുടെയും അനുബന്ധ ഉല്പന്നങ്ങളുടെയും ഇറക്കുമതി ഒമാന് കൃഷി, മല്സ്യ, ജലവിഭവ മന്ത്രാലയം നിരോധിച്ചു.
കേരളത്തിലെ മൃഗാരോഗ്യ സാഹചര്യം വിലയിരുത്തിയ ശേഷം ബന്ധപ്പെട്ട വെറ്ററിനറി അതോറിറ്റി നല്കിയ ശുപാര്ശയുടെ അടിസ്ഥാനത്തിലാണ് ഈ നടപടി. മന്ത്രാലയത്തിന്റെ തീരുമാനപ്രകാരം കേരളത്തില് നിന്നുള്ള ജീവനുള്ള പക്ഷികള്, അവയുടെ ഉല്പ്പന്നങ്ങള്, ഉപോല്പ്പന്നങ്ങള്, അവശിഷ്ടങ്ങള് എന്നിവയ്ക്ക് നിരോധനം ബാധകമാണ്. നിലവിലുള്ള ആരോഗ്യ ഭീഷണി മാറുന്നത് വരെ നിരോധനം തുടരുമെന്നും സ്ഥിതിഗതികള് ശാന്തമായാല് മാത്രമേ പുതിയ ഉത്തരവ് പുറപ്പെടുവിക്കുകയുള്ളൂവെന്നും മന്ത്രാലയം വ്യക്തമാക്കി.
എന്നിരുന്നാലും, ലോക മൃഗാരോഗ്യ സംഘടന നിര്ദ്ദേശിച്ചിട്ടുള്ള 'ടെറസ്ട്രിയല് ആനിമല് ഹെല്ത്ത് കോഡ്' പ്രകാരം താപസംസ്കരണം നടത്തിയതോ പ്രത്യേക രീതിയില് സംസ്കരിച്ചതോ ആയ ഉല്പ്പന്നങ്ങള്ക്ക് ഈ നിരോധനം ബാധകമല്ലെന്നും മന്ത്രാലയം കൂട്ടിച്ചേര്ത്തു. ഇന്ത്യയിലെ വിവിധ സംസ്ഥാനങ്ങളില് നിന്നുള്ള കോഴികളുടെയും അനുബന്ധ ഉല്പന്നങ്ങളുടെയും ഇറക്കുമതിക്ക് നേരത്തെ ഒമാന് നിരോധനം ഏര്പ്പെടുത്തുകയും പിന്നീട് വിലക്ക് പിന്വലിക്കുകയും ചെയ്തിരുന്നു.
.jpg)
Related News
